മുംബൈ: മഹാരാഷ്‌ട്രയിലെ നവി മുംബൈയിലെ കാർ ഷോറൂമിന്റെ ഗോഡൗണിൽ വൻ തീപ്പിടിത്തം.സംഭവത്തിൽ 40 ബിഎംഡബ്ല്യൂ കാറുകൾ പൂർണമായും കത്തിനശിച്ചിട്ടുണ്ട്.അപകടത്തിൽ ആളപായം ഒന്നും തന്നെയില്ല.
ചൊവ്വാഴ്ച പുലർച്ചെ അഞ്ചരയോടെയായിരുന്നു തീപിടിത്തം ഉണ്ടായത്.ഉച്ചയ്‌ക്ക് ഒരുമണിയോടെയാണ് തീ കെടുത്താൻ കഴിഞ്ഞത്.നവി മുംബൈയിലെ തർബെ എംഐഡിസി മേഖലയിൽ സ്ഥിതിചെയ്യുന്ന ഗോഡൗണിൽ ആണ് തീപിടിത്തം ഉണ്ടായത്.
10 ഫയർ എഞ്ചിനുകൾ അപകട സ്ഥലത്തെത്തിയാണ് രക്ഷാപ്രവർത്തനങ്ങൾ നടത്തിയത്.കാറിന്റെ സർവീസ് സെന്ററിനോടൊപ്പമായിരുന്നു ഗോഡൗണും സ്ഥിതിചെയ്തിരുന്നത്. ഇതാണ് വലിയ അപകടത്തിലേക്ക് നയിച്ചത്.
ഏഴ് മണിക്കൂറോളം നീണ്ടുനിന്ന രക്ഷാപ്രവർത്തനത്തിനൊടുവിലാണ് തീ നിയന്ത്രണവിധേയമാക്കാൻ സാധിച്ചത്.അപകടത്തിൽ കമ്പനിയിലെ ജീവനക്കാരുടെ കാറുകളും കത്തിനശിച്ചിട്ടുണ്ട്.അപകട കാരണം ഇതുവരെ കണ്ടെത്താനായിട്ടില്ല.
Story highlight : Fire accident In the car showroom godown at Maharashtra.
