FIR Against PV Anwar MLA for Alleged SOG Secret Leak

കേരള പൊലീസിന്റെ തന്ത്രപ്രധാന സേനയായ സ്പെഷ്യൽ ഓപ്പറേഷൻ ഗ്രൂപ്പ് (എസ്ഒജി) യുടെ രഹസ്യങ്ങൾ ചോർത്തിയെന്ന ആരോപണത്തിൽ പി. വി. അൻവർ എംഎൽഎയ്ക്കെതിരെ എഫ്ഐആർ രജിസ്റ്റർ ചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മഞ്ചേരി പൊലീസാണ് എംഎൽഎയ്ക്കെതിരെ എഫ്ഐആർ രജിസ്റ്റർ ചെയ്തിരിക്കുന്നത്. എസ്ഒജി കമാൻഡന്റ് ഫെറാഷ് മുഹമ്മദ് നൽകിയ പരാതിയുടെ അടിസ്ഥാനത്തിലാണ് ഈ നടപടി സ്വീകരിച്ചത്. ക്രിമിനൽ ഗൂഢാലോചന, ഐടി ആക്ടിലെ 43, 66 വകുപ്പുകൾ, ഔദ്യോഗിക രഹസ്യ നിയമത്തിലെ അഞ്ചാം വകുപ്പ് എന്നിവയാണ് അൻവറിനെതിരെ ചുമത്തിയിരിക്കുന്നത്.

ഇതിൽ ജാമ്യമില്ലാത്ത വകുപ്പുകളും ഉൾപ്പെടുന്നു. രാജ്യ സുരക്ഷയ്ക്ക് ഭീഷണിയാകുന്ന പ്രവർത്തനമാണെന്നും എഫ്ഐആറിൽ പരാമർശിക്കുന്നു. മുൻപ് ഫോൺ ചോർത്തൽ കേസിൽ അൻവറിനെതിരെ നടപടി സ്വീകരിച്ചപ്പോൾ, “കേസെടുക്കട്ടേ നോക്കാം” എന്നായിരുന്നു അദ്ദേഹത്തിന്റെ പ്രതികരണം.

എന്നാൽ, ഈ പുതിയ കേസുമായി ബന്ധപ്പെട്ട് അൻവർ ഇതുവരെ പ്രതികരിച്ചിട്ടില്ല. കേരളത്തിന്റെ തന്ത്രപ്രധാന സേനയായ എസ്ഒജിയുടെ രഹസ്യങ്ങൾ ചോർത്താൻ ശ്രമിച്ചെന്ന ഗുരുതരമായ ആരോപണമാണ് അൻവറിനെതിരെ ഉയർന്നിരിക്കുന്നത്.

എഎസ്പിയുടെ പേരിൽ വ്യാജ ഇമെയിൽ: പോലീസ് ഉദ്യോഗസ്ഥന് സ്ഥലംമാറ്റം

Story Highlights: FIR filed against PV Anwar MLA for allegedly leaking secrets of Kerala’s Special Operation Group (SOG)

വനിതാ സിപിഒ റാങ്ക് ലിസ്റ്റ്: സമരം ശക്തമാക്കി റാങ്ക് ഹോൾഡേഴ്സ്