തിരുവനന്തപുരം◾: തിരുവനന്തപുരം വിമാനത്താവളത്തിൽ അടിയന്തര ലാൻഡിംഗ് നടത്തിയ അമേരിക്കൻ നിർമ്മിത ബ്രിട്ടീഷ് യുദ്ധവിമാനം തിരികെ കൊണ്ടുപോകാനായി ബ്രിട്ടനിൽ നിന്നുള്ള കൂറ്റൻ ചരക്ക് വിമാനമെത്തി. എയർബസ് അറ്റ്ലസ് എന്ന ചരക്ക് വിമാനത്തിൽ വ്യോമസേനയിലെ 17 സാങ്കേതിക വിദഗ്ദ്ധരും എത്തിയിട്ടുണ്ട്. 20 ദിവസമായി വിമാനം ഇവിടെ തുടരുകയാണ്. സാങ്കേതിക പ്രശ്നം പരിഹരിക്കാൻ കഴിഞ്ഞില്ലെങ്കിൽ യുദ്ധവിമാനം ചരക്ക് വിമാനത്തിൽ കൊണ്ടുപോകും.
ചാക്കയിലെ എയർ ഇന്ത്യ ഹാങ്ങറിൽ എത്തിച്ച് വിമാനത്തിന്റെ തകരാർ പരിഹരിക്കാൻ ശ്രമിക്കും. സാങ്കേതിക വിദഗ്ദ്ധർ അറ്റകുറ്റപ്പണികൾ നടത്തും. ചിറകുകളടക്കം അഴിച്ചുമാറ്റി ചരക്ക് വിമാനത്തിൽ തിരികെ കൊണ്ടുപോകാൻ സാധിക്കാത്ത സാഹചര്യമുണ്ടായാൽ അതിനുള്ള ശ്രമവും നടത്തും.
ലോകത്തിലെ ഏറ്റവും വിലയേറിയതും അത്യാധുനികവുമായ യുദ്ധവിമാനമാണ് എഫ് 35 (F35). അഞ്ചാം തലമുറയിൽപ്പെട്ട ഈ യുദ്ധവിമാനത്തെ റഡാറുകൾക്ക് പോലും കണ്ടെത്താൻ കഴിയില്ല. പ്രതികൂല കാലാവസ്ഥയാണ് വിമാനമിറക്കാൻ പ്രതിസന്ധിയുണ്ടാക്കിയത്.
കേരള തീരത്ത് നിന്ന് 100 നോട്ടിക്കൽ മൈൽ അകലെ വിമാനവാഹിനി കപ്പലിൽ നിന്ന് പറന്നുയർന്ന യുദ്ധവിമാനത്തിന് പ്രക്ഷുബ്ധമായ കടലും കാറ്റും കോളും നിറഞ്ഞ കാലാവസ്ഥയുമാണ് തിരിച്ചിറങ്ങുന്നതിന് തടസ്സമുണ്ടാക്കിയത്. തുടർന്ന് ഇന്ത്യൻ പ്രതിരോധ വകുപ്പിന്റെ അനുമതിയോടെ വിമാനം തിരുവനന്തപുരം അന്താരാഷ്ട്ര വിമാനത്താവളത്തിൽ അടിയന്തര ലാൻഡിംഗ് നടത്തുകയായിരുന്നു.
ഇന്ധനം കുറഞ്ഞതിനെ തുടർന്ന് വിമാനത്തിൽ ഇന്ധനം നിറച്ചു. യന്ത്രത്തകരാർ മൂലം ഞായറാഴ്ച പറന്നുയരാൻ തീരുമാനിച്ചിരുന്നത് മാറ്റിവെച്ചു. സാങ്കേതിക തകരാർ പരിഹരിക്കുന്നതിനായി ബ്രിട്ടീഷ് കപ്പലിൽ നിന്ന് സൈനിക ഹെലികോപ്റ്ററും സാങ്കേതിക സംഘവും എത്തിച്ചേർന്നു.
വിമാനത്തിന്റെ സാങ്കേതിക തകരാർ ഇതുവരെ പരിഹരിക്കാൻ കഴിഞ്ഞിട്ടില്ല. എത്രയും പെട്ടെന്ന് തകരാർ പരിഹരിച്ച് വിമാനം തിരികെ കൊണ്ടുപോകാനുള്ള ശ്രമങ്ങൾ നടക്കുകയാണ്. വിദഗ്ധ സംഘം അതിനായുള്ള ശ്രമങ്ങൾ തുടരുന്നു.
Story Highlights : Repair of fighter jet stuck in Thiruvananthapuram: Expert team arrives from Britain
കേരള സംസ്ഥാന ചലച്ചിത്ര അക്കാദമി 2025 ആഗസ്റ്റ് 22 മുതൽ 27 വരെ Read more
തിരുവനന്തപുരം ചെറുന്നിയൂരിൽ ഓട്ടോറിക്ഷ മറിഞ്ഞ് വർക്കല സ്വദേശി സാവിത്രിയമ്മ (68) മരിച്ചു. എതിർദിശയിൽ Read more
തിരുവനന്തപുരം നഗരത്തിലെ ചില ഭാഗങ്ങളിൽ നാളെ വൈകുന്നേരം മുതൽ ജലവിതരണം തടസ്സപ്പെടും. വെള്ളയമ്പലം Read more
തിരുവനന്തപുരം പൂജപ്പുര ജയിൽ വകുപ്പിന്റെ ഭക്ഷണശാലയിൽ മോഷണം. കഫറ്റീരിയയിൽ സൂക്ഷിച്ചിരുന്ന നാല് ലക്ഷത്തോളം Read more
തിരുവനന്തപുരം പൂജപ്പുര ജയിൽ വകുപ്പിന്റെ ഭക്ഷണശാലയിൽ നാല് ലക്ഷം രൂപയുടെ മോഷണം. മൂന്ന് Read more
നാവികസേനാ ദിനാഘോഷം തിരുവനന്തപുരത്ത് ഡിസംബർ 4-ന് നടക്കും. രാഷ്ട്രപതി അല്ലെങ്കിൽ പ്രധാനമന്ത്രിയായിരിക്കും മുഖ്യാതിഥി. Read more
തിരുവനന്തപുരം മെഡിക്കൽ കോളേജ് ആശുപത്രിയിൽ ശസ്ത്രക്രിയ ഉപകരണങ്ങൾ ഇല്ലാത്തതിനെത്തുടർന്ന് ചികിത്സ മുടങ്ങിയെന്ന വിവാദത്തിൽ Read more
2025-ലെ സ്വാതന്ത്ര്യദിനാഘോഷങ്ങളുടെ ഭാഗമായി, തിരുവനന്തപുരം പി.എം. ശ്രീ കേന്ദ്രീയ വിദ്യാലയത്തിലെ വിദ്യാർത്ഥികൾ SAP Read more
തിരുവനന്തപുരം സ്പോർട്സ് കൗൺസിൽ ആസ്ഥാനത്ത് തമ്മിൽത്തല്ലുണ്ടായി. ജൂഡോ അസോസിയേഷൻ ടെക്നിക്കൽ സെക്രട്ടറി ജോയ് Read more
തിരുവനന്തപുരത്ത് എസ്.എസ്. കോവിൽ റോഡിൽ ഭീഷണിപ്പെടുത്തി പണം തട്ടിയ അഞ്ചംഗസംഘം അറസ്റ്റിലായി. തമ്പാനൂർ Read more
