FIFA's Malayalam Post Goes Viral Again

ലോക ഫുട്ബോളിലെ പ്രതിഭകളെ വാഴ്ത്തി അന്താരാഷ്ട്ര ഫുട്ബോൾ ഫെഡറേഷൻ വീണ്ടും മലയാളത്തിൽ സംവദിച്ചു. പത്താം നമ്പറിൽ വിസ്മയമായി മാറിയ മറഡോണ, സിദാൻ, റൊണാൾഡീന്യോ, മെസ്സി, നെയ്മർ തുടങ്ങിയ താരങ്ങളുടെ ചിത്രങ്ങൾ പങ്കുവച്ചതോടൊപ്പം, ഫഹദ് ഫാസിൽ നായകനായ ‘ആവേശം’ എന്ന ചിത്രത്തിലെ ‘ഇല്ലുമിനാറ്റി’ ഗാനത്തിന്റെ വരികളും ഫിഫ അടിക്കുറിപ്പായി നൽകി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആറു കോടി പേർ പിന്തുടരുന്ന പേജിൽ ഇത് രണ്ടാം തവണയാണ് മലയാളത്തിൽ പോസ്റ്റ് പങ്കുവയ്ക്കുന്നത്. 2022 ഖത്തർ ലോകകപ്പിന് മുമ്പ് കോഴിക്കോട്ടെ പുള്ളാവൂർ പുഴയുടെ തീരത്ത് സ്ഥാപിച്ച മെസ്സി, റൊണാൾഡോ, നെയ്മർ എന്നിവരുടെ കട്ടൗട്ടുകളെക്കുറിച്ചും ഫിഫ പരാമർശിച്ചിരുന്നു.

ഇപ്പോഴത്തെ പോസ്റ്റിനടിയിലും നിരവധി മലയാളികൾ കമന്റുകളുമായി എത്തിയിട്ടുണ്ട്. ഇന്ത്യയെ ലോകകപ്പിൽ കളിപ്പിക്കാനുള്ള മാർഗങ്ങളെക്കുറിച്ചും, കോപ്പ അമേരിക്കയുടെ ലൈവ് സ്ട്രീമിംഗിനെക്കുറിച്ചും ചോദിക്കുന്ന കമന്റുകൾ കാണാം.

യുവേഫ നേഷൻസ് ലീഗ് കിരീടം പോർച്ചുഗലിന്; ഷൂട്ടൗട്ടിൽ സ്പെയിനെ തകർത്തു

മലയാളികളുടെ കാൽപന്ത് പ്രേമവും ഹാസ്യബോധവും വ്യക്തമാക്കുന്ന ഈ സംഭവം സോഷ്യൽ മീഡിയയിൽ ശ്രദ്ധ നേടിയിരിക്കുകയാണ്.

വിദേശയാത്ര: ബോർഡിംഗ് പാസ് സോഷ്യൽ മീഡിയയിൽ പങ്കുവെക്കുമ്പോൾ ശ്രദ്ധിക്കുക!