Father and son brutally attacked while walking dog in Kochi

കൊച്ചി കടവന്തറയിൽ വളർത്തുനായയുമായി റോഡിൽ ഇറങ്ങിയ പിതാവിനും മകനും അയൽക്കാരുടെ ക്രൂരമർദ്ദനം ഏറ്റു. മുൻ നേവി ഉദ്യോഗസ്ഥൻ അവിഷേക് ഘോഷ് റോയും മകനുമാണ് മർദ്ദനത്തിന് ഇരയായത്. സംഭവത്തിൽ സൗത്ത് പോലീസ് ഒരാളെ അറസ്റ്റ് ചെയ്തിട്ടുണ്ട്. രണ്ട് പേർ കൂടി പിടിയിലാകാനുണ്ടെന്നും റിപ്പോർട്ടുകൾ സൂചിപ്പിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ മാസം 13-ാം തീയതിയാണ് സംഭവം നടന്നത്. ഫ്ലാറ്റിൽ താമസക്കാരായ പിതാവും മകനും നായയുമായി നടക്കാനിറങ്ങിയപ്പോൾ, അയൽക്കാരുടെ വീടിന് മുൻപിൽ നായ കുരച്ചതാണ് സംഭവത്തിന് കാരണമായത്. തുടർന്നുണ്ടായ വാക്കേറ്റം മർദനത്തിലേക്ക് കലാശിച്ചു. അസഭ്യം പറയുകയും അതിക്രൂരമായി മർദിക്കുകയും ചെയ്തതായി പരാതിയിൽ പറയുന്നു. സംഭവത്തിന്റെ ദൃശ്യങ്ങൾ പുറത്തുവന്നിട്ടുണ്ട്.

സംഭവത്തിൽ മൂന്ന് പേർക്കെതിരെ കേസെടുത്തിട്ടുണ്ട്. ഒരു സ്ത്രീയും രണ്ട് പുരുഷന്മാരുമാണ് പ്രതികൾ. ഇതിൽ ഹരികുമാർ എന്നയാളെ പൊലീസ് അറസ്റ്റ് ചെയ്തു. മറ്റ് രണ്ട് പേർ ഒളിവിലാണെന്നാണ് റിപ്പോർട്ട്. മർദനമേറ്റ അവിഷേക് ഘോഷ് റോയിയുടെ ആരോഗ്യനില തൃപ്തികരമാണെന്ന് അധികൃതർ അറിയിച്ചു. സംഭവത്തിൽ കൂടുതൽ അന്വേഷണം നടന്നുവരികയാണ്.

സനാതന ധർമ്മ പരാമർശം: മുഖ്യമന്ത്രിയോട് വിയോജിപ്പ്; കേരളത്തിലെ വർഗ്ഗീയ സാഹചര്യം അപകടകരമെന്ന് വി.ഡി. സതീശൻ

ചോദ്യപേപ്പർ ചോർച്ച: എം എസ് സൊല്യൂഷൻസ് സിഇഒയുടെ ജാമ്യാപേക്ഷ വീണ്ടും പരിഗണനയിൽ