Fahad Faasil joins Mammootty-Mohanlal film after 18 years

മലയാളത്തിന്റെ പ്രിയ താരങ്ങളായ മമ്മൂട്ടിയും മോഹൻലാലും 18 വർഷങ്ങൾക്കു ശേഷം ഒരുമിക്കുന്ന ചിത്രത്തിലേക്ക് ഫഹദ് ഫാസിലും എത്തിച്ചേർന്നു. മഹേഷ് നാരായണന് സംവിധാനം ചെയ്യുന്ന ഈ മള്ട്ടിസ്റ്റാര് ചിത്രത്തിന് മോഹൻലാലാണ് തിരിതെളിച്ചത്. ബുധനാഴ്ചയാണ് ഫഹദ് ശ്രീലങ്കയിലെ ലൊക്കേഷനിൽ എത്തിയത്. മോഹന്ലാല് നേരത്തെതന്നെ ശ്രീലങ്കയിലെത്തിയിരുന്നു. കഴിഞ്ഞദിവസം മമ്മൂട്ടിയും കുഞ്ചാക്കോ ബോബനും വന്നതോടെ മലയാളസിനിമ കാത്തിരിക്കുന്ന വമ്പന് പ്രോജക്ടിന് തുടക്കമായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുഞ്ചാക്കോബോബന്, നയന്താര തുടങ്ങി വമ്പൻ താരനിര അണിനിരക്കുന്ന ചിത്രത്തിൽ രൺജി പണിക്കർ, രാജീവ് മേനോൻ, ഡാനിഷ് ഹുസൈൻ, ഷഹീൻ സിദ്ദിഖ്, സനൽ അമൻ, രേവതി, ദർശന രാജേന്ദ്രൻ, സെറീൻ ഷിഹാബ്, പ്രകാശ് ബെലവാടി തുടങ്ങിയവരും അണിനിരക്കുന്നു. ചിത്രത്തിന്റെ കഥയും തിരക്കഥയും മഹേഷ് നാരായണന്റേതാണ്. ആന്റോ ജോസഫാണ് നിർമാതാവ്. സി.ആര്.സലിം, സുഭാഷ് ജോര്ജ് മാനുവല് എന്നിവരാണ് കോ പ്രൊഡ്യൂസർമാർ. രാജേഷ് കൃഷ്ണയും സി.വി.സാരഥയുമാണ് എക്സിക്യൂട്ടീവ് പ്രൊഡ്യൂസര്മാര്.

ലാലേട്ടന് പനിയുണ്ടായിട്ടും കൂളായി അഭിനയിച്ചു; 'തുടരും' സിനിമ സെറ്റിലെ അനുഭവം പങ്കുവെച്ച് ആർഷ ബൈജു

ബോളിവുഡിലെ പ്രശസ്തനായ സിനിമാട്ടോഗ്രഫര് മനുഷ് നന്ദനാണ് ഛായാഗ്രഹണം. ജോസഫ് നെല്ലിക്കല് പ്രൊഡക്ഷന് ഡിസൈനറും, രഞ്ജിത് അമ്പാടി മേക്കപ്പ് ആർട്ടിസ്റ്റും, ധന്യ ബാലകൃഷ്ണന് കോസ്റ്റിയൂം ഡിസൈനറുമാണ്. ശ്രീലങ്കയ്ക്ക് പുറമേ ലണ്ടന്, അബുദാബി, അസര്ബെയ്ജാന്, തായ്ലന്ഡ്, വിശാഖപട്ടണം, ഹൈദ്രാബാദ്, ഡല്ഹി, കൊച്ചി എന്നിവിടങ്ങളിലായി 150 ദിവസം കൊണ്ടാണ് ചിത്രം പൂര്ത്തിയാകുക. ആന് മെഗാ മീഡിയ പ്രദര്ശനത്തിനെത്തിക്കും.

Story Highlights: Fahad Faasil joins Mammootty and Mohanlal in Mahesh Narayanan’s multi-starrer film after 18 years

ടൊവിനോയുടെ ‘നരിവേട്ട’ മെയ് 23ന് തിയേറ്ററുകളിലേക്ക്; ചേരനും പ്രധാനവേഷത്തിൽ