1. 5 ബില്യൺ ഡോളറിന്റെ ക്രിപ്റ്റോകറൻസി മോഷണം എക്കാലത്തെയും വലിയ ഓൺലൈൻ മോഷണങ്ങളിലൊന്നായി മാറിയിരിക്കുന്നു.
എതെറിയം എന്ന ജനപ്രിയ ക്രിപ്റ്റോകറൻസിയാണ് ഹാക്കർമാരുടെ ഇരയായത്. ഈ വാർത്ത പുറത്തുവിട്ടത് ക്രിപ്റ്റോകറൻസി എക്സ്ചേഞ്ച് ബൈബിറ്റാണ്.
എതെറിയത്തിന്റെ പതിവ് എക്സ്ചേഞ്ചിനിടെ ഡിജിറ്റൽ വാലറ്റുകൾക്കിടയിൽ നുഴഞ്ഞുകയറിയാണ് ഹാക്കർമാർ ക്രിപ്റ്റോ അജ്ഞാത വിലാസത്തിലേക്ക് മാറ്റിയത്. ഈ സംഭവത്തിന്റെ പശ്ചാത്തലത്തിൽ, ഉപഭോക്താക്കളുടെ ക്രിപ്റ്റോകറൻസി ഹോൾഡിങ്ങുകൾ സുരക്ഷിതമാണെന്ന് ബൈബിറ്റ് ഉറപ്പുനൽകാൻ ശ്രമിക്കുന്നു.
ഹാക്ക് ചെയ്ത വാർത്ത പുറത്തുവന്നതിനെത്തുടർന്ന് ഇടപാടുകാർ കൂട്ടത്തോടെ പിൻവലിക്കലിന് ശ്രമിക്കുന്നതിനാൽ, പിൻവലിക്കൽ അഭ്യർഥനകൾ പ്രോസസ്സ് ചെയ്യുന്നതിൽ കാലതാമസമുണ്ടാകുമെന്നും കമ്പനി അറിയിച്ചു. ഹാക്ക് ചെയ്ത ക്രിപ്റ്റോ വീണ്ടെടുക്കപ്പെട്ടില്ലെങ്കിലും തന്റെ കമ്പനി എല്ലാം പരിഹരിക്കുമെന്ന് ബൈബിറ്റിന്റെ സിഇഒ ബെൻ ഷൗ സോഷ്യൽ മീഡിയയിൽ അറിയിച്ചു.
ഡിസംബറിൽ ജാപ്പനീസ് ക്രിപ്റ്റോ സ്ഥാപനത്തിൽ നിന്ന് 308 മില്യൺ ഡോളർ മോഷ്ടിക്കപ്പെട്ട സംഭവവും ഓർമ്മിക്കേണ്ടതാണ്. ക്രിപ്റ്റോകറൻസികൾ മോഷ്ടിക്കുന്നത് ഹാക്കർമാരുടെ ഇഷ്ട രീതിയാണെന്ന് വ്യക്തമാണ്.
Story Highlights: Hackers steal $1.5 billion worth of Ethereum, marking one of the largest online thefts ever.
