എറണാകുളം◾: എറണാകുളം-ബെംഗളൂരു വന്ദേഭാരത് എക്സ്പ്രസ് അടക്കം നാല് പുതിയ വന്ദേഭാരത് എക്സ്പ്രസുകൾക്ക് പ്രധാനമന്ത്രി നരേന്ദ്രമോദി ഫ്ളാഗ് ഓഫ് ചെയ്തു. വാരണാസിയിൽ നടന്ന ചടങ്ങിൽ വീഡിയോ കോൺഫറൻസിങ് വഴിയാണ് പ്രധാനമന്ത്രി ഫ്ളാഗ് ഓഫ് നിർവഹിച്ചത്. ട്രെയിൻ സർവീസ് ഈ മാസം 11-ന് ആരംഭിക്കും. എറണാകുളം സൗത്ത് സ്റ്റേഷനിലായിരുന്നു എറണാകുളം സൗത്ത് – ബെംഗളൂരു വന്ദേഭാരതിന്റെ ഫ്ളാഗ് ഓഫ് ചടങ്ങ് നടന്നത്.
എറണാകുളം സൗത്ത് റെയിൽവേ സ്റ്റേഷനിൽ നടന്ന ഫ്ലാഗ് ഓഫ് ചടങ്ങിൽ ഗവർണർ രാജേന്ദ്ര വിശ്വനാഥ് ആർലേക്കർ, കേന്ദ്രമന്ത്രിമാരായ സുരേഷ് ഗോപി, ജോർജ് കുര്യൻ, മന്ത്രി പി.രാജീവ് എന്നിവരും മറ്റ് ജനപ്രതിനിധികളും പങ്കെടുത്തു. എറണാകുളം-ബെംഗളൂരു എസി ചെയർ കാറിന് 1500 രൂപ വരെയാണ് ടിക്കറ്റ് നിരക്ക് പ്രതീക്ഷിക്കുന്നത്. ടിക്കറ്റ് ബുക്കിംഗ് ശനിയാഴ്ച ഉച്ചകഴിഞ്ഞോ ഞായറാഴ്ച രാവിലെയോ ആരംഭിക്കുമെന്നാണ് അറിയിപ്പ്.
ട്രെയിൻ്റെ സമയം കൊച്ചിയിൽ നിന്ന് ഉച്ചയ്ക്ക് പുറപ്പെടുന്ന രീതിയിലാണ് ക്രമീകരിച്ചിരിക്കുന്നത്. എറണാകുളത്തുനിന്ന് ഉച്ചയ്ക്ക് 2.20-ന് പുറപ്പെട്ട് രാത്രി 11 മണിക്ക് ബെംഗളൂരു സിറ്റിയിൽ എത്തും. 9 മണിക്കൂർ കൊണ്ട് 608 കിലോമീറ്റർ ദൂരം ഈ ട്രെയിൻ പിന്നിടും.
ബെംഗളൂരുവിൽ നിന്ന് പുലർച്ചെ 5.10-ന് പുറപ്പെട്ട് ഉച്ചയ്ക്ക് 1.50-ന് എറണാകുളത്ത് എത്തും. ട്രെയിൻ 11 സ്റ്റേഷനുകളിൽ നിർത്തും. എറണാകുളം, തൃശൂർ, ഷൊർണൂർ, പാലക്കാട്, പൊദന്നൂർ, കോയമ്പത്തൂർ, തിരുപ്പൂർ, ഈറോഡ്, സേലം, ജോലാർപേട്ടൈ, കൃഷ്ണരാജപുരം, കെഎസ്ആർ ബെംഗളൂരു എന്നിവയാണ് സ്റ്റോപ്പുകൾ.
കഴിഞ്ഞ ദിവസം വൈകീട്ട് സ്വന്തം മണ്ഡലമായ വാരണാസിയിലെത്തിയ പ്രധാനമന്ത്രി ബിജെപി നേതാക്കളുമായി കൂടിക്കാഴ്ച നടത്തി. ബനാറസ്-ഖജുരാഹോ, ലഖ്നൗ-സഹരൻപൂർ, ഫിറോസ്പൂർ-ഡൽഹി എന്നിവയാണ് ഇന്ന് ഉദ്ഘാടനം ചെയ്ത മറ്റ് മൂന്ന് വന്ദേ ഭാരത് സർവീസുകൾ. 8.41-ഓടെ ട്രെയിൻ എറണാകുളത്തുനിന്ന് യാത്ര ആരംഭിച്ചു.
ശതാബ്ദി ട്രെയിനുകളുടെ നിരക്കിന് സമാനമായിരിക്കും വന്ദേഭാരത് എക്സ്പ്രസ് ടിക്കറ്റ് നിരക്ക്. പുതിയ ട്രെയിൻ കേരളത്തിനും കർണാടകത്തിനുമിടയിലുള്ള യാത്ര കൂടുതൽ എളുപ്പമാക്കും. ഈ റൂട്ടിൽ കൂടുതൽ ട്രെയിനുകൾ അനുവദിക്കണമെന്ന യാത്രക്കാരുടെ ഏറെ നാളത്തെ ആവശ്യമാണ് ഇതിലൂടെ നടപ്പിലാവുന്നത്.
Story Highlights : PM Modi flag off Ernakulam – Bengaluru Vande Bharat express
Story Highlights: പ്രധാനമന്ത്രി നരേന്ദ്രമോദി എറണാകുളം-ബെംഗളൂരു വന്ദേഭാരത് എക്സ്പ്രസ് ഫ്ലാഗ് ഓഫ് ചെയ്തു.
എറണാകുളം ജില്ലാ കളക്ടർ ജി. പ്രിയങ്കയുടെ പേരിൽ സോഷ്യൽ മീഡിയയിൽ വ്യാജ അക്കൗണ്ടുകൾ Read more
ബെംഗളൂരുവിൽ റോഡപകടത്തിന് പിന്നാലെ ട്രാഫിക് പൊലീസുകാരനെ ഓട്ടോ ഡ്രൈവർ തട്ടിക്കൊണ്ടുപോയി. സദാശിവനഗറിലെ 10-ാം Read more
എറണാകുളം എച്ച്എംടിക്ക് സമീപം അജ്ഞാത മൃതദേഹം കണ്ടെത്തി. കുവൈറ്റിൽ നിന്ന് നാടുകടത്തിയ ബംഗാൾ Read more
എറണാകുളത്ത് ചേന്ദമംഗലം പഞ്ചായത്ത് അംഗവും സ്വതന്ത്ര സ്ഥാനാർത്ഥിയുമായ ഫസൽ റഹ്മാന് കുത്തേറ്റു. വടക്കേക്കര Read more
38-ാമത് കേരള സയൻസ് കോൺഗ്രസിൻ്റെ ഡെലിഗേറ്റ് രജിസ്ട്രേഷനുള്ള അവസാന തീയതി നവംബർ 30 Read more
എറണാകുളം വടക്കേക്കരയിൽ ആളൊഴിഞ്ഞ പറമ്പിൽ അസ്ഥികൂടവും തലയോട്ടിയും കണ്ടെത്തി. അണ്ടിപ്പിള്ളിക്കാവ് ഓട്ടോ സ്റ്റാൻഡിന് Read more
എറണാകുളം നോർത്ത് റെയിൽവേ സ്റ്റേഷനിൽ യുവതിയെ കയറിപ്പിടിച്ച തിരുവനന്തപുരം സ്വദേശി അറസ്റ്റിൽ. പുനെ-കന്യാകുമാരി Read more
തൃശൂരിലെ കവർച്ചാ കേസിൽ അഭിഭാഷകനെ കാണാൻ കുപ്രസിദ്ധ മോഷ്ടാവ് ബണ്ടി ചോർ എറണാകുളത്ത് Read more
കുപ്രസിദ്ധ മോഷ്ടാവ് ബണ്ടി ചോറിനെ എറണാകുളം സൗത്ത് റെയിൽവേ സ്റ്റേഷനിൽ റെയിൽവേ പൊലീസ് Read more
ബെംഗളൂരുവിൽ ട്രെയിൻ തട്ടി മലയാളി നഴ്സിങ് വിദ്യാർഥികൾ മരിച്ചു. തിരുവല്ല സ്വദേശി ജസ്റ്റിൻ, Read more
