EP Jayarajan to campaign for Dr. P Sarin amid autobiography controversy

പാലക്കാട് ലോക്സഭാ മണ്ഡലത്തിലെ എൽഡിഎഫ് സ്ഥാനാർഥി ഡോ. പി സരിന് വേണ്ടി വോട്ട് തേടാൻ സിപിഎം നേതാവ് ഇ.പി ജയരാജൻ ഇന്ന് പാലക്കാടെത്തും. വൈകീട്ട് 5 മണിക്ക് സ്റ്റേഡിയം ഗ്രൗണ്ടിനോട് ചേർന്നുള്ള പൊതുവേദിയിൽ നടക്കുന്ന തെരഞ്ഞെടുപ്പ് പ്രചാരണ പൊതുയോഗത്തിൽ ഇ.പി ജയരാജൻ സംസാരിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇ.പി ജയരാജന്റെ ആത്മകഥയിൽ ഡോ. പി സരിനെതിരെ അതിരൂക്ഷ വിമർശനങ്ങൾ ഉന്നയിച്ചിരുന്നു. അവസരവാദ രാഷ്ട്രീയത്തെക്കുറിച്ച് പറയുമ്പോൾ പാലക്കാട്ട് എൽഡിഎഫ് സ്ഥാനാർത്ഥിയെ കുറിച്ചും ചർച്ച ചെയ്യണമെന്നാണ് ആത്മകഥയിൽ പറയുന്നത്. തലേദിവസം വരെ യുഡിഎഫ് സ്ഥാനാർത്ഥിയാകുമെന്ന് പ്രതീക്ഷിച്ചിരുന്ന സരിൻ, അത് നടക്കാതായപ്പോൾ എൽഡിഎഫിലേക്ക് മാറിയതായും ആത്മകഥയിൽ പരാമർശിച്ചിരുന്നു. എന്നാൽ പുസ്തകത്തിന്റെ ഉള്ളടക്കം തള്ളിയ ഇ.പി ജയരാജൻ ഡിജിപിക്ക് പരാതിയും നൽകിയിട്ടുണ്ട്.

ഇ.പി ജയരാജന്റെ ആത്മകഥയിലെ പരാമർശങ്ങളിൽ പ്രതികരണവുമായി ഡോ. പി സരിനും രംഗത്തെത്തി. പുറത്തുവന്ന പ്രസ്താവനകൾ ഇ.പി ജയരാജൻ നിഷേധിച്ചതായി മനസ്സിലാക്കുന്നതായും, ദുർവ്യാഖ്യാനം ചെയ്യപ്പെട്ടതാണെന്നും സരിൻ പ്രതികരിച്ചു. ഏതെങ്കിലും തെറ്റിദ്ധാരണയുടെ പേരിൽ തനിക്കെതിരെ പരാമർശം ഉണ്ടായെങ്കിൽ അത് പരിശോധിക്കാമെന്നും അദ്ദേഹം വ്യക്തമാക്കി.