EP Jayarajan heads to Palakkad amid autobiography controversy

വിവാദങ്ങൾക്കിടയിൽ സിപിഐഎം നേതാവ് ഇ പി ജയരാജൻ പാലക്കാടേക്ക് പുറപ്പെട്ടു. കണ്ണൂർ റെയിൽവേ സ്റ്റേഷനിൽ വച്ച് മാധ്യമപ്രവർത്തകരോട് പ്രതികരിച്ച അദ്ദേഹം, ആരെന്ത് ശ്രമിച്ചാലും സിപിഐഎമ്മിനെയും എൽഡിഎഫിനെയും തോൽപ്പിക്കാൻ സാധിക്കില്ലെന്ന് പറഞ്ഞു. പാലക്കാട് എത്തിയശേഷം വിശദമായ പ്രതികരണം നടത്തുമെന്നും അദ്ദേഹം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സ്വതന്ത്ര സ്ഥാനാർഥി ഡോ. പി സരിനായി വോട്ട് തേടാനാണ് ഇ പി ജയരാജൻ പാലക്കാടേക്ക് പോകുന്നത്. വൈകീട്ട് 5 മണിക്ക് സ്റ്റേഡിയം ഗ്രൗണ്ടിനോട് ചേർന്നുള്ള പൊതുവേദിയിൽ തെരഞ്ഞെടുപ്പ് പ്രചാരണവുമായി ബന്ധപ്പെട്ട പൊതുയോഗത്തിൽ ഇ പി സംസാരിക്കും. ഇപിയുടെ ആത്മകഥയിൽ സരിനെതിരെ അതിരൂക്ഷ വിമർശനങ്ങൾ ഉന്നയിച്ചിരുന്നു. പുസ്തകത്തിന്റെ ഉള്ളടക്കം തള്ളിയ ഇപി ഡിജിപിക്ക് പരാതിയും നൽകിയിട്ടുണ്ട്.

ഇപി ജയരാജന്റെ ആത്മകഥയിലെ പരാമർശങ്ങളിൽ പ്രതികരണവുമായി പാലക്കാട് എൽഡിഎഫ് സ്ഥാനാർഥി ഡോ. പി സരിൻ രംഗത്തെത്തി. പുറത്തുവന്ന പ്രസ്താവനകൾ ഇപി ജയരാജൻ നിഷേധിച്ചു എന്നാണ് മനസിലാക്കുന്നതെന്നും, ദുർവ്യാഖ്യാനം ചെയ്യപ്പെട്ടു എന്നാണ് മനസിലാക്കുന്നതെന്നും സരിൻ പ്രതികരിച്ചു. ഏതെങ്കിലും തെറ്റിധാരണയുടെ പേരിൽ തനിക്കെതിരെ പരാമർശം ഉണ്ടായെങ്കിൽ അത് പരിശോധിക്കാമെന്നും സരിൻ വ്യക്തമാക്കി.

പാലക്കാട് കണ്ണാടി സ്കൂളിൽ വിദ്യാർത്ഥി ആത്മഹത്യ ചെയ്ത സംഭവം: സസ്പെൻഡ് ചെയ്ത പ്രധാനാധ്യാപികയെ തിരിച്ചെടുത്തു, പ്രതിഷേധം ശക്തം

Story Highlights: EP Jayarajan heads to Palakkad amid controversy over his autobiography and comments on LDF candidate P Sarin

തദ്ദേശ തിരഞ്ഞെടുപ്പിൽ എൽഡിഎഫ് മുന്നേറ്റം നടത്തും: എം.വി. ഗോവിന്ദൻ