**പത്തനംതിട്ട◾:** മുഖ്യമന്ത്രി പിണറായി വിജയൻ സർക്കാരിന്റെ തുടർച്ചയായ പത്താം വാർഷികത്തോടനുബന്ധിച്ച്, പത്തനംതിട്ട ജില്ലയിൽ ‘എന്റെ കേരളം’ പ്രദർശന വിപണന മേളയ്ക്ക് നാളെ തുടക്കമാകും. മെയ് 16 മുതൽ 22 വരെ പത്തനംതിട്ട ശബരിമല ഇടത്താവളത്തിൽ ‘എന്റെ കേരളം’ പ്രദർശന-വിപണനകലാ മേള സംഘടിപ്പിക്കും.
ആരോഗ്യ, വനിത-ശിശുവികസന വകുപ്പ് മന്ത്രി വീണാ ജോർജ് മേളയുടെ ഉദ്ഘാടനം നിർവഹിക്കും. നിയമസഭാ ഡെപ്യൂട്ടി സ്പീക്കർ ചിറ്റയം ഗോപകുമാർ ചടങ്ങിൽ അധ്യക്ഷത വഹിക്കും. കേരളം കൈവരിച്ച നേട്ടങ്ങളുടെ പ്രദർശനം, ആധുനിക സാങ്കേതികവിദ്യകൾ പരിചയപ്പെടുത്തുന്ന പ്രദർശനം എന്നിവ മേളയുടെ ഭാഗമായി ഉണ്ടാകും.
‘എന്റെ കേരളം’ പ്രദർശന-വിപണന മേളയിൽ സർക്കാർ വകുപ്പുകളുടെയും പൊതുമേഖലാ-സ്വയംഭരണ സ്ഥാപനങ്ങളുടെയും ശീതികരിച്ച 188 സ്റ്റാളുകൾ ഉണ്ടായിരിക്കും. രാജ്യത്തെ വൈവിധ്യമാർന്ന രുചിക്കൂട്ടുകൾ പരിചയപ്പെടുത്തുന്ന മെഗാ ഭക്ഷ്യമേളയും ഇതിനോടനുബന്ധിച്ച് സംഘടിപ്പിക്കും. ഇതിന്റെ ഭാഗമായി കായിക-വിനോദ പരിപാടികൾ, ടൂറിസം പദ്ധതികളുടെ പരിചയപ്പെടുത്തൽ, കരിയർ ഗൈഡൻസ് മേള, വിവിധ സംഗമങ്ങൾ എന്നിവയും ഉണ്ടായിരിക്കും. കാർഷികോത്പന്നങ്ങൾ പ്രദർശിപ്പിക്കുന്നതിനും വിപണനം ചെയ്യുന്നതിനും അവസരമുണ്ടാകും.
പ്രദർശന വിപണന മേളയുടെ ആദ്യദിനം മൾട്ടിമീഡിയ ദൃശ്യാവിഷ്കാരമായ നവോത്ഥാനം-നവകേരളം പ്രദർശിപ്പിക്കും. മെയ് 17ന് രാവിലെ 10 മുതൽ 12 വരെ ആരോഗ്യ വകുപ്പിന്റെ നേതൃത്വത്തിൽ മാതൃ ശിശുസംരക്ഷണം നൂതന പ്രവണതകൾ എന്ന വിഷയത്തിൽ സെമിനാർ സംഘടിപ്പിക്കും. വൈകിട്ട് 6.30 മുതൽ മാർസി ബാൻഡ് മ്യൂസിക് നൈറ്റ് ഷോയും ഉണ്ടായിരിക്കും.
സെമിനാറുകൾ, കലാപരിപാടികൾ എന്നിവയും മേളയുടെ ഭാഗമായി സംഘടിപ്പിക്കുന്നുണ്ട്. മെയ് 18ന് വൈകിട്ട് 6.30 മുതൽ മജീഷ്യൻ സാമ്രാട്ട് അവതരിപ്പിക്കുന്ന സൈക്കോ മിറാക്കുള മാജിക് ഷോ നടക്കും. പിന്നാക്ക വിഭാഗ വികസന വകുപ്പിന്റെ നേതൃത്വത്തിൽ മെയ് 19ന് രാവിലെ 10 മുതൽ വിദ്യാർത്ഥികൾക്കായി കരിയർ ഓറിയന്റേഷൻ പ്രോഗ്രാം ഉണ്ടായിരിക്കും. അന്നേ ദിവസം ഉച്ചയ്ക്ക് 2 മുതൽ എക്സൈസ് വകുപ്പിന്റെ ലഹരി വിരുദ്ധ നാടകം അരങ്ങേറും.
മെയ് 20ന് രാവിലെ 10 മുതൽ ഉച്ചകഴിഞ്ഞ് 3 വരെ സാമൂഹിക നീതി വകുപ്പിന്റെ നേതൃത്വത്തിൽ സാംസ്കാരിക പരിപാടികൾ, ലഹരിക്കെതിരെയുള്ള ബോധവത്കരണം, വയോജനങ്ങൾക്ക് ഡിജിറ്റൽ സാക്ഷരത, ഗ്ലൂക്കോമീറ്റർ വിതരണ ഉദ്ഘാടനം, കലാപരിപാടികൾ എന്നിവ നടക്കും. അൻവർ സാദത്ത് മ്യൂസിക് നൈറ്റ് വൈകിട്ട് 6.30 മുതൽ ഉണ്ടായിരിക്കും. വനിതാ ശിശു വികസന വകുപ്പിന്റെ കൾച്ചറൽ പ്രോഗ്രാം മെയ് 21ന് രാവിലെ 10 മുതൽ 1 വരെ നടക്കും.
പട്ടികജാതി വികസന വകുപ്പിന്റെ വിവിധ പരിപാടികൾ ഉച്ചകഴിഞ്ഞ് 1.30 മുതൽ 3.30 വരെയും കനൽ നാടൻ പാട്ട് വൈകിട്ട് 6.30 മുതൽ മെയ് 21ന് നടക്കും. മെയ് 22ന് നടക്കുന്ന സമാപന സമ്മേളനം മന്ത്രി വീണാ ജോർജ് നിർവഹിക്കും. നിയമസഭാ ഡെപ്യൂട്ടി സ്പീക്കർ ചിറ്റയം ഗോപകുമാർ അധ്യക്ഷത വഹിക്കുന്ന ചടങ്ങിൽ സൂരജ് സന്തോഷ് ബാൻഡ് ലൈവ് ഷോയും ഉണ്ടായിരിക്കും.
Story Highlights : Ente Keralam Exhibition and marketing fair Pathanamthitta
പത്തനംതിട്ടയിൽ സപ്ലൈകോ ഡ്രൈവർക്ക് മർദനമേറ്റ സംഭവത്തിൽ ഡിവൈഎഫ്ഐ നേതാവിനും സഹോദരനുമെതിരെ കേസ്. അത്തിക്കയം Read more
പത്തനംതിട്ട ലോക്സഭാ തിരഞ്ഞെടുപ്പിലെ പരാജയത്തില് സി.പി.ഐ.എമ്മിനെ വിമര്ശിച്ച് സി.പി.ഐ ജില്ലാ സമ്മേളനം. സിറ്റിംഗ് Read more
സിപിഐ പത്തനംതിട്ട ജില്ലാ സമ്മേളനത്തിൽ റവന്യൂ മന്ത്രി കെ. രാജനെതിരെ വിമർശനങ്ങൾ ഉയർന്നു. Read more
ആരോഗ്യ മന്ത്രി വീണാ ജോർജിനോട് ശമ്പളം ലഭിക്കാത്തതിനെക്കുറിച്ച് പരാതി പറഞ്ഞ മഞ്ചേരി മെഡിക്കൽ Read more
മലപ്പുറത്ത് മന്ത്രി വീണാ ജോർജ് പങ്കെടുത്ത പരിപാടികളിൽ പ്രതിഷേധം. മഞ്ചേരിയിൽ നഗരസഭാധ്യക്ഷനുമായി മന്ത്രി Read more
പത്തനംതിട്ട അഴൂരിൽ ലോട്ടറി വിൽപ്പനക്കാരനിൽ നിന്നും 5000 രൂപ തട്ടിയെടുത്തു. സമ്മാനാർഹമായ ടിക്കറ്റാണെന്ന് Read more
ആരോഗ്യമേഖലയെ തകർക്കാൻ കള്ളപ്രചരണങ്ങൾ അനുവദിക്കില്ലെന്ന് മന്ത്രി വീണാ ജോർജ് പറഞ്ഞു. മാധ്യമങ്ങൾക്ക് നിക്ഷിപ്ത Read more
ആരോഗ്യ വകുപ്പിനെതിരെ മുൻ പ്രതിപക്ഷ നേതാവ് രമേശ് ചെന്നിത്തല രംഗത്ത്. ആരോഗ്യ മന്ത്രി Read more
അധ്യാപകന്റെ ആത്മഹത്യയിൽ പ്രഥമാധ്യാപികയെ സസ്പെൻഡ് ചെയ്യാനുള്ള വിദ്യാഭ്യാസ വകുപ്പിന്റെ നിർദ്ദേശം സെന്റ് ജോസഫ് Read more
അംഗനവാടി കുട്ടികൾക്ക് പോഷകാഹാരം ലഭ്യമാക്കുന്നതിന് വേണ്ടി പ്രഖ്യാപിച്ച ഏകീകൃത മെനുവിൽ ബിരിയാണി ഉൾപ്പെടുത്തിയിരുന്നു. Read more
