Enhanced Healthcare Services for Sabarimala Pilgrimage: Veena George

ശബരിമല തീര്ത്ഥാടനത്തിന് കൂടുതല് വിപുലമായ ആരോഗ്യ സേവനങ്ങള് ഉറപ്പാക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ് പ്രഖ്യാപിച്ചു. കോന്നി മെഡിക്കല് കോളേജ് ബേസ് ആശുപത്രിയായി പ്രവര്ത്തിക്കുമെന്നും പത്തനംതിട്ട ജനറല് ആശുപത്രിയില് അടിയന്തര കാര്ഡിയോളജി ചികിത്സയും കാത്ത് ലാബ് ചികിത്സയും ലഭ്യമാക്കുമെന്നും മന്ത്രി അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മികച്ച ചികിത്സയോടൊപ്പം പകര്ച്ചവ്യാധി പ്രതിരോധവും ഉറപ്പാക്കാനുള്ള നടപടികള് സ്വീകരിക്കുമെന്നും അവര് വ്യക്തമാക്കി. സന്നിധാനം, പമ്പ, നിലയ്ക്കല്, ചരല്മേട്, നീലിമല, അപ്പാച്ചിമേട് എന്നിവിടങ്ങളില് വിദഗ്ധ സംവിധാനങ്ങളോടു കൂടിയ ഡിസ്പെന്സറികള് പ്രവര്ത്തിക്കും.

പമ്പയിലേയും സന്നിധാനത്തേയും ആശുപത്രികള് നവംബര് 1 മുതലും മറ്റുള്ളവ നവംബര് 15 മുതലും പ്രവര്ത്തനമാരംഭിക്കും. എല്ലാ ആശുപത്രികളിലും ഡിഫിബ്രിലേറ്റര്, വെന്റിലേറ്റര്, കാര്ഡിയാക് മോണിറ്റര് എന്നിവ ഉണ്ടാകുമെന്നും മന്ത്രി അറിയിച്ചു.

പമ്പ മുതല് സന്നിധാനം വരെയുള്ള കാല്നട യാത്രയില് തീര്ത്ഥാടകര്ക്കുണ്ടാകാവുന്ന ആരോഗ്യ പ്രശ്നങ്ങള് നേരിടാന് 15 സ്ഥലങ്ങളിലായി എമര്ജന്സി മെഡിക്കല് സെന്ററുകളും ഓക്സിജന് പാര്ലറുകളും സ്ഥാപിക്കും. കാനനപാതയില് 4 എമര്ജന്സി സെന്ററുകളും സ്ഥാപിക്കുമെന്ന് മന്ത്രി വ്യക്തമാക്കി.

ഹൃദയാഘാതം വരുന്ന തീര്ത്ഥാടകര്ക്കായി ആട്ടോമേറ്റഡ് എക്സ്റ്റേണല് ഡിബ്രിഫ്രിലേറ്റര് ഉള്പ്പെടെയുള്ള സംവിധാനങ്ങളും 24 മണിക്കൂറും പരിശീലനം ലഭിച്ച സ്റ്റാഫ് നഴ്സുമാരും ഈ കേന്ദ്രങ്ങളില് ലഭ്യമാക്കുമെന്നും അവര് കൂട്ടിച്ചേര്ത്തു.

Story Highlights: Kerala Health Minister Veena George announces enhanced healthcare services for Sabarimala pilgrimage

ശബരിമലയിൽ വീണ്ടും തിരക്ക്; സുരക്ഷ ശക്തമാക്കി