Empuraan release: Press meet held in Kochi

കൊച്ചി: ലോകമെമ്പാടുമുള്ള മലയാളി സിനിമാപ്രേമികൾ ആകാംക്ഷയോടെ കാത്തിരിക്കുന്ന എമ്പുരാൻ റിലീസിന് മണിക്കൂറുകൾ മാത്രം ശേഷിക്കെ, ചിത്രത്തിന്റെ അണിയറപ്രവർത്തകർ കൊച്ചിയിൽ വാർത്താസമ്മേളനം നടത്തി. ആശിർവാദ് സിനിമാസും ഗോകുലം മൂവീസും ചേർന്നാണ് ചിത്രം നിർമ്മിച്ചിരിക്കുന്നത്. ലോകമെമ്പാടുമുള്ള ആയിരക്കണക്കിന് തിയേറ്ററുകളിൽ എമ്പുരാൻ പ്രദർശനത്തിനെത്തും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചിത്രത്തിന്റെ ബജറ്റ് വെളിപ്പെടുത്താൻ തനിക്ക് കഴിയില്ലെന്നും പ്രേക്ഷകർ സിനിമ കണ്ട് വിലയിരുത്തട്ടെയെന്നും മോഹൻലാൽ പറഞ്ഞു. എമ്പുരാന്റെ മൂന്നാം ഭാഗം ഉണ്ടാകുമെന്ന സൂചനയും അദ്ദേഹം നൽകി. മലയാള സിനിമയെ ലോക ഭൂപടത്തിൽ അടയാളപ്പെടുത്തുന്ന ചിത്രമാകട്ടെ എമ്പുരാൻ എന്നും മോഹൻലാൽ ആശംസിച്ചു.

ഇന്ത്യൻ സിനിമയിൽ പുതിയ ചരിത്രം സൃഷ്ടിക്കുമെന്ന് ഗോകുലം ഗോപാലൻ പ്രത്യാശ പ്രകടിപ്പിച്ചു. തന്റെ സ്വപ്ന സാക്ഷാത്കാരമാണ് എമ്പുരാനെന്ന് പൃഥ്വിരാജും വ്യക്തമാക്കി. റിലീസിന് പത്ത് മണിക്കൂർ മുൻപാണ് കൊച്ചി ഹോളിഡേ ഇൻ ഹോട്ടലിൽ വാർത്താസമ്മേളനം സംഘടിപ്പിച്ചത്.

ലോക മലയാളികൾ കാത്തിരിക്കുന്ന ആദ്യ ഇന്ത്യൻ സിനിമയാണ് എമ്പുരാനെന്ന് ഇന്ദ്രജിത്തും അഭിപ്രായപ്പെട്ടു. വർഷങ്ങൾ നീണ്ട അധ്വാനത്തിന്റെ ഫലമാണ് ഈ ചിത്രമെന്ന് മഞ്ജു വാര്യർ പറഞ്ഞു. മലയാളികൾക്ക് മുന്നിൽ മറ്റൊരു അത്ഭുതം കൂടി സംഭവിക്കാൻ പോകുന്നുവെന്ന് ആന്റണി പെരുമ്പാവൂർ പറഞ്ഞു.

മോഹൻലാലിനെ പൊന്നാടയണിയിച്ച് മമ്മൂട്ടി; 'പാട്രിയറ്റി'ന്റെ ലൊക്കേഷനിൽ സ്നേഹപ്രകടനം

അഡ്വാൻസ് ബുക്കിങ്ങിലൂടെ ആദ്യ ദിനം തന്നെ വൻ കളക്ഷൻ നേടിയിട്ടുണ്ട് എമ്പുരാൻ. ചിത്രത്തിന്റെ അണിയറപ്രവർത്തകരുടെ പ്രതീക്ഷകൾക്ക് അനുസരിച്ച് വൻ വിജയമാകുമെന്നാണ് ട്രേഡ് അനലിസ്റ്റുകളുടെയും വിലയിരുത്തൽ.

Story Highlights: The Empuraan team held a press meet in Kochi, 10 hours before the film’s release.

മോഹൻലാലിനെ പൊന്നാടയണിയിച്ച് മമ്മൂട്ടി; ‘പാട്രിയറ്റി’ന്റെ ലൊക്കേഷനിൽ സ്നേഹപ്രകടനം