Mohanlal's Empuraan hits theaters, fans celebrate Lucifer sequel

പ്രേക്ഷകരുടെ വർഷങ്ങൾ നീണ്ട കാത്തിരിപ്പിന് വിരാമമിട്ട് മോഹൻലാൽ – പൃഥ്വിരാജ് ചിത്രം ‘എമ്പുരാൻ’ തിയേറ്ററുകളിൽ പ്രദർശനം ആരംഭിച്ചു. 2019-ൽ റിലീസ് ചെയ്ത ബ്ലോക്ക്ബസ്റ്റർ ചിത്രം ‘ലൂസിഫറി’ന്റെ രണ്ടാം ഭാഗമാണ് ‘എമ്പുരാൻ’. മൂന്ന് ഭാഗങ്ങളുള്ള ഒരു സിനിമാ പരമ്പരയുടെ ഭാഗമാണിത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിൽ പാൻ ഇന്ത്യൻ റിലീസായിട്ടാണ് ചിത്രം എത്തിയത്.

ലൈക്ക പ്രൊഡക്ഷൻസ്, ആശീർവാദ് സിനിമാസ്, ശ്രീ ഗോകുലം മൂവീസ് എന്നിവയുടെ ബാനറിൽ സുഭാസ്കരൻ, ആന്റണി പെരുമ്പാവൂർ, ഗോകുലം ഗോപാലൻ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. മോളിവുഡിന്റെ ചരിത്രത്തിലെ തന്നെ ഏറ്റവും ചെലവേറിയ സിനിമയായാണ് ‘എമ്പുരാൻ’ വിലയിരുത്തപ്പെടുന്നത്. അഡ്വാൻസ് ബുക്കിങ്ങിലൂടെ ആദ്യ ദിനം തന്നെ വൻ കളക്ഷൻ നേടിയാണ് ചിത്രം റിലീസ് ചെയ്തത്.

ഖുറേഷി- അബ്രാം/ സ്റ്റീഫൻ നെടുമ്പള്ളി എന്ന കഥാപാത്രത്തെയാണ് മോഹൻലാൽ ചിത്രത്തിൽ അവതരിപ്പിക്കുന്നത്. പൃഥ്വിരാജ്, മഞ്ജു വാര്യർ, ടൊവിനോ തോമസ്, ഇന്ദ്രജിത്ത് സുകുമാരൻ, സുരാജ് വെഞ്ഞാറമൂട്, ജെറോം ഫ്ലിൻ, ബൈജു, സായ്കുമാർ തുടങ്ങി വമ്പൻ താരനിരയാണ് ചിത്രത്തിൽ അണിനിരക്കുന്നത്. ‘ഗെയിം ഓഫ് ത്രോൺസ്’ എന്ന പരമ്പരയിലൂടെ ലോകപ്രശസ്തനായ ജെറോം ഫ്ലിൻ ചിത്രത്തിന് അന്താരാഷ്ട്ര പ്രശസ്തി നേടിക്കൊടുത്തു.

നടൻ മധുവിന് 92-ാം ജന്മദിനാശംസകൾ; ആദരവുമായി ചലച്ചിത്ര വികസന കോർപ്പറേഷൻ

കൊച്ചിയിലെ കവിത തിയേറ്ററിൽ നടന്ന ആദ്യ പ്രദർശനത്തിൽ മോഹൻലാൽ, പൃഥ്വിരാജ്, നിർമ്മാതാവ് ഗോകുലം ഗോപാലൻ തുടങ്ങിയവർ പങ്കെടുത്തു. ചിത്രത്തിന്റെ പ്രമേയമായ കറുത്ത വസ്ത്രങ്ങളണിഞ്ഞാണ് അണിയറ പ്രവർത്തകർ ഉൾപ്പെടെ തിയേറ്ററിൽ എത്തിയത്. തിയേറ്ററുകളിലെ ക്രമസമാധാന പ്രശ്നങ്ങൾ മുന്നിൽക്കണ്ട് തിരുവനന്തപുരം നഗരത്തിലടക്കമുള്ള തിയേറ്ററുകളിൽ പോലീസ് സുരക്ഷ ഏർപ്പെടുത്തിയിരുന്നു.

അതിരാവിലെ തന്നെ തിയേറ്ററുകളിൽ എത്തിയ ആരാധകർ ആഘോഷങ്ങൾക്ക് തുടക്കം കുറിച്ചു. ഏറെ ആകാംക്ഷയോടെയാണ് ചിത്രത്തിനായി ആരാധകർ കാത്തിരുന്നത്. ആഘോഷങ്ങൾക്കിടെ തിയേറ്റർ പരിസരം പൂരപ്പറമ്പായി മാറി.

ആൻഡ്രിയ ടിവാടർ, അഭിമന്യു സിങ്, സാനിയ ഇയ്യപ്പൻ, ഫാസിൽ, സച്ചിൻ ഖഡ്കർ, നൈല ഉഷ, ജിജു ജോൺ, നന്ദു, മുരുകൻ മാർട്ടിൻ, ശിവജി ഗുരുവായൂർ, മണിക്കുട്ടൻ, അനീഷ് ജി മേനോൻ, ശിവദ, അലക്സ് ഒനീൽ, എറിക് എബണി, കാർത്തികേയ ദേവ്, മിഹയേൽ നോവിക്കോവ്, കിഷോർ, സുകാന്ത്, ബെഹ്സാദ് ഖാൻ, നിഖാത് ഖാൻ, സത്യജിത് ശർമ, നയൻ ഭട്ട്, ശുഭാംഗി, ജൈസ് ജോസ് തുടങ്ങിയവരും ചിത്രത്തിൽ അഭിനയിക്കുന്നു.

Story Highlights:

ലോകം ചാപ്റ്റർ 2 വരുന്നു; ടൊവിനോ തോമസ് നായകന്

Mohanlal-Prithviraj starrer ‘Empuraan,’ the sequel to the blockbuster ‘Lucifer,’ has been released in theaters across India.

മമ്മൂട്ടിയും മോഹൻലാലും ഒന്നിക്കുന്നു; ‘പാട്രിയറ്റ്’ ടീസർ പുറത്തിറങ്ങി