എമ്പുരാൻ ബുക്കിംഗ് റെക്കോർഡുകൾ തകർത്തു; ആദ്യ മണിക്കൂറിൽ 93,500 ടിക്കറ്റുകൾ

എമ്പുരാൻ എന്ന ചിത്രത്തിന്റെ അഡ്വാൻസ് ബുക്കിംഗ് റെക്കോർഡുകൾ തകർത്തെഴുതിയിരിക്കുകയാണ്. ബുക്ക് മൈ ഷോയിൽ ആദ്യ മണിക്കൂറിൽ ഏറ്റവും കൂടുതൽ ടിക്കറ്റുകൾ വിറ്റഴിക്കപ്പെട്ട ആദ്യ ഇന്ത്യൻ ചിത്രമെന്ന ഖ്യാതി എമ്പുരാൻ സ്വന്തമാക്കി. ഏകദേശം 93,500 ടിക്കറ്റുകളാണ് ആദ്യ മണിക്കൂറിൽ വിറ്റഴിഞ്ഞത്. ഈ നേട്ടം ദി മിന്റ് ഉൾപ്പെടെയുള്ള ദേശീയ മാധ്യമങ്ങളും റിപ്പോർട്ട് ചെയ്തിട്ടുണ്ട്. മാർച്ച് 21ന് രാവിലെ ഒൻപത് മണിക്കാണ് ഓൺലൈൻ ടിക്കറ്റ് ബുക്കിംഗ് ആരംഭിച്ചത്. പല തിയറ്ററുകളിലും റിലീസ് ദിവസത്തെ ടിക്കറ്റുകൾ തീർന്ന അവസ്ഥയാണ്. ഒരു ഘട്ടത്തിൽ ടിക്കറ്റ് ബുക്കിങ് സൈറ്റ് ആയ ബുക്ക് മൈ ഷോയും നിലച്ചുപോയി. എമ്പുരാന്റെ പ്രീ-സെയിൽ റെക്കോർഡിനെ പ്രശംസിച്ച് നടനും സംവിധായകനുമായ ബേസിൽ ജോസഫ് രംഗത്തെത്തി. സിനിമയുടെ പ്രീ-സെയിൽ റെക്കോർഡ് പോസ്റ്റർ പങ്കുവെച്ചുകൊണ്ട് “ഇതാണ് മലയാളം സിനിമ” എന്നാണ് ബേസിൽ കുറിച്ചത്. ആറു മണിക്കുള്ള ഫാൻസ് ഷോയുടെ ടിക്കറ്റുകൾ രണ്ടാഴ്ചയ്ക്കു മുമ്പേ തീർന്നിരുന്നു. ലൈക്ക പ്രൊഡക്ഷൻസ്, ആശീർവാദ് സിനിമാസ്, ശ്രീ ഗോകുലം മൂവീസ് എന്നിവയുടെ ബാനറിൽ സുഭാസ്കരൻ, ആന്റണി പെരുമ്പാവൂർ, ഗോകുലം ഗോപാലൻ എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. മാർച്ച് 27നാണ് ചിത്രം ആഗോള റിലീസായി തിയറ്ററുകളിലെത്തുന്നത്. ഓവർസീസിൽ ബുക്കിങ് ആരംഭിച്ച ചിത്രത്തിന് മികച്ച പ്രതികരണമാണ് ലഭിക്കുന്നതെന്നാണ് റിപ്പോർട്ടുകൾ. ഇതിന് മുമ്പ് ആദ്യ ദിന അഡ്വാൻസ് ബുക്കിങ്ങിൽ മുന്നിട്ടു നിന്നിരുന്നത് വിജയ് ചിത്രം ലിയോ ആയിരുന്നു. 80000ത്തോളം ടിക്കറ്റുകളാണ് ലിയോ വിറ്റത്. 85000 ടിക്കറ്റുകളാണ് ഷാരൂഖ് ഖാന്റെ ജവാൻ വിറ്റിരുന്നത്. വിജയ്യുടെ ലിയോ, അല്ലു അർജുന്റെ പുഷ്പ 2 എന്നിവയുടെ റെക്കോർഡുകളാണ് എമ്പുരാൻ തകർത്തത്.

ഒട്ടുമിക്ക ജില്ലകളിലെയും എല്ലാ തിയറ്ററുകളിലും എമ്പുരാൻ ആണ് ചാർട്ട് ചെയ്തിരിക്കുന്നത്. വിദേശ രാജ്യങ്ങളിലെ എമ്പുരാന്റെ അഡ്വാൻസ് ബുക്കിംഗ് ഏതാനും ദിവസങ്ങൾക്ക് മുന്നേ ആരംഭിച്ചു കഴിഞ്ഞു. ഇന്ത്യൻ സിനിമയിൽ തന്നെ ഇത് ഒരു ചരിത്ര റെക്കോർഡ് ആണ്.

എമ്പുരാന്റെ ടിക്കറ്റ് കൊടുക്കാൻ തൃശൂർ രാഗത്തിൽ ഗേറ്റ് തുറന്നപ്പോൾ 😯 #Empuraan #mohanlal pic.twitter.com/mDngWOxfEF

— Rajesh Sundaran (@editorrajesh) March 21, 2025

Note – not Mollywood or South Indian records..!! It\’s an Indian record now 🥵🙏 #Empuraan

96.14K in the last one hour.

My man is flexing his muscles with 3.5 Crores approx population 🥵🙏
Welcome back LORD MOHANLAL 🙏 https://t.co/Vbs1oGAy55

— AB George (@AbGeorge_) March 21, 2025

Story Highlights: Mohanlal’s Empuraan sets a new Indian record for advance bookings on BookMyShow, selling nearly 93,500 tickets in the first hour.