എമ്പുരാൻ മുന്നേറ്റം തുടരുന്നു; മുൻകൂട്ടി ടിക്കറ്റ് വിൽപ്പനയിലൂടെ 58 കോടി നേട്ടം

എമ്പുരാൻ ട്രെയിലറിന്റെ വരവ് മുതൽ തന്നെ സിനിമാ ലോകത്ത് വലിയൊരു ചലനമാണ് സൃഷ്ടിച്ചിരിക്കുന്നത്. മുൻകൂട്ടി ടിക്കറ്റ് ബുക്കിംഗ് ആരംഭിച്ചതോടെ 58 കോടി രൂപയുടെ വരുമാനം നേടിക്കഴിഞ്ഞുവെന്ന് മോഹൻലാൽ തന്റെ ഫേസ്ബുക്ക് പോസ്റ്റിലൂടെ അറിയിച്ചു. 2023 ഒക്ടോബർ 5ന് ഫരീദാബാദിൽ ചിത്രീകരണം ആരംഭിച്ച ചിത്രം, യുണൈറ്റഡ് സ്റ്റേറ്റ്സ്, യു കെ, യു എ ഇ , ചെന്നൈ, മുംബൈ, ഗുജറാത്ത്, ലഡാക്ക്, കേരളം, ഹൈദരാബാദ്, ഷിംല, ലേ എന്നിവിടങ്ങളിലായാണ് ചിത്രീകരിച്ചത്. മൂന്ന് ഭാഗങ്ങളായി ഒരുക്കുന്ന സിനിമാ പരമ്പരയുടെ രണ്ടാം ഭാഗമാണ് എമ്പുരാൻ. ലൂസിഫറിന്റെ രണ്ടാം ഭാഗമായ എമ്പുരാൻ, ലൈക്ക പ്രൊഡക്ഷൻസ്, ആശീർവാദ് സിനിമാസ്, ശ്രീ ഗോകുലം മൂവീസ് എന്നിവയുടെ ബാനറിൽ സുഭാസ്കരൻ, ആന്റണി പെരുമ്പാവൂർ, ഗോകുലം ഗോപാലൻ എന്നിവർ ചേർന്നാണ് നിർമ്മിച്ചിരിക്കുന്നത്.

പൃഥ്വിരാജ് സുകുമാരൻ സംവിധാനം ചെയ്ത ചിത്രത്തിന്റെ തിരക്കഥ മുരളി ഗോപിയുടേതാണ്. ഖുറേഷി- അബ്രാം/ സ്റ്റീഫൻ നെടുമ്പള്ളി എന്ന കഥാപാത്രത്തെയാണ് മോഹൻലാൽ ചിത്രത്തിൽ അവതരിപ്പിക്കുന്നത്. ബുക്ക് മൈ ഷോയിൽ കഴിഞ്ഞ വെള്ളിയാഴ്ച രാവിലെ ഒമ്പത് മണിയോടെയാണ് ടിക്കറ്റ് ബുക്കിംഗ് ആരംഭിച്ചത്. നിമിഷങ്ങൾക്കുള്ളിൽ റെക്കോർഡ് ബുക്കിംഗാണ് നടന്നത്. ഒരു മണിക്കൂറിനുള്ളിൽ 96000 ടിക്കറ്റുകളാണ് ബുക്ക് മൈ ഷോയിൽ വിറ്റഴിഞ്ഞത്.

മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിൽ പാൻ ഇന്ത്യൻ റിലീസായിട്ടാണ് ചിത്രം തിയേറ്ററുകളിലെത്തുന്നത്. റിലീസിന് മുൻപേ തന്നെ ബോക്സ് ഓഫീസ് റെക്കോർഡുകൾ എമ്പുരാൻ തകർക്കുമെന്ന് ഏറെക്കുറെ ഉറപ്പായിക്കഴിഞ്ഞു.

പൃഥ്വിരാജ്, മഞ്ജു വാര്യർ, ടൊവിനോ തോമസ്, ഇന്ദ്രജിത്ത് സുകുമാരൻ, സുരാജ് വെഞ്ഞാറമൂട്, ജെറോം ഫ്ലിൻ, ബൈജു, സായ്കുമാർ, ആൻഡ്രിയ ടിവാഡർ തുടങ്ങി വമ്പൻ താരനിരയാണ് ചിത്രത്തിൽ അണിനിരക്കുന്നത്. ഗെയിം ഓഫ് ത്രോൺസ് എന്ന പരമ്പരയിലൂടെ ലോകപ്രശസ്തനായ ജെറോം ഫ്ലിൻ ചിത്രത്തിന് അന്താരാഷ്ട്ര തലത്തിൽ ശ്രദ്ധ നേടിക്കൊടുക്കുന്നു. അഭിമന്യു സിങ്, സാനിയ ഇയ്യപ്പൻ, ഫാസിൽ, സച്ചിൻ ഖഡ്കർ, നൈല ഉഷ, ജിജു ജോൺ, നന്ദു, മുരുകൻ മാർട്ടിൻ, ശിവജി ഗുരുവായൂർ, മണിക്കുട്ടൻ, അനീഷ് ജി മേനോൻ, ശിവദ, അലക്സ് ഒനീൽ, എറിക് എബണി, കാർത്തികേയ ദേവ്, മിഹയേൽ നോവിക്കോവ്, കിഷോർ, സുകാന്ത്, ബെഹ്സാദ് ഖാൻ, നിഖാത് ഖാൻ, സത്യജിത് ശർമ, നയൻ ഭട്ട്, ശുഭാംഗി, ജൈസ് ജോസ് തുടങ്ങിയവരും ചിത്രത്തിൽ അഭിനയിക്കുന്നു.

ദീപക് ദേവ് ആണ് ചിത്രത്തിന്റെ സംഗീത സംവിധായകൻ. സുജിത്ത് വാസുദേവാണ് ഛായാഗ്രഹണം നിർവഹിച്ചിരിക്കുന്നത്. എഡിറ്റിംഗ് അഖിലേഷ് മോഹൻ, കലാസംവിധാനം മോഹൻദാസ്, ആക്ഷൻ രംഗങ്ങൾ സ്റ്റണ്ട് സിൽവ എന്നിവരാണ് ഒരുക്കിയിരിക്കുന്നത്. ചിത്രത്തിന്റെ ക്രിയേറ്റീവ് ഡയറക്ടർ നിർമ്മൽ സഹദേവാണ്. പൂർണമായും അനാമോർഫിക് ഫോർമാറ്റിൽ ചിത്രീകരിച്ചിരിക്കുന്ന എമ്പുരാന്റെ മൂന്നാം ഭാഗവും ഇതേ ഫോർമാറ്റിൽ തന്നെയായിരിക്കും എന്ന് പൃഥ്വിരാജ് വ്യക്തമാക്കിയിട്ടുണ്ട്.

2019-ൽ റിലീസ് ചെയ്ത ലൂസിഫറിന്റെ വലിയ വിജയത്തിന് ശേഷം ഏറെ പ്രതീക്ഷയോടെയാണ് പ്രേക്ഷകർ എമ്പുരാനെ കാത്തിരിക്കുന്നത്.

Story Highlights: Empuraan, the sequel to Lucifer, has already raked in ₹58 crore in advance ticket sales, as announced by Mohanlal.