ഇമെയിൽ സേവന രംഗത്ത് വിപ്ലവകരമായ മാറ്റം കൊണ്ടുവരാൻ ലക്ഷ്യമിട്ട് എലോൺ മസ്ക് പുതിയ സംരംഭം ആരംഭിക്കുന്നു. ഗൂഗിളിന്റെ ജിമെയിലിനെ വെല്ലുവിളിക്കാൻ ‘എക്സ്മെയിൽ’ എന്ന പേരിൽ പുതിയ ഇമെയിൽ സേവനമാണ് മസ്ക് അവതരിപ്പിക്കുന്നത്. ജിമെയിലിനേക്കാൾ വൃത്തിയും ലാളിത്യവുമുള്ള രൂപകൽപ്പനയാണ് എക്സ്മെയിലിന്റേതെന്ന് അവകാശപ്പെടുന്നു.
നിലവിൽ ഇമെയിൽ സേവന മേഖലയിൽ ജിമെയിലാണ് ആധിപത്യം പുലർത്തുന്നത്. എന്നാൽ പഴയ ലേഔട്ടിന്റെ പേരിൽ ജിമെയിൽ പലപ്പോഴും വിമർശനം നേരിടാറുണ്ട്. ഈ സാഹചര്യത്തിലാണ് മസ്കിന്റെ പുതിയ നീക്കം. നിലവിലെ സന്ദേശമയയ്ക്കൽ പ്ലാറ്റ്ഫോമുകൾക്ക് സമാനമായി എക്സ്മെയിലിന് ഒരു ഡിഎം സ്റ്റൈൽ ഇന്റർഫേസ് ഉണ്ടായിരിക്കുമെന്ന് മസ്ക് സ്ഥിരീകരിച്ചിട്ടുണ്ട്.
ഫോർബ്സ് റിപ്പോർട്ട് പ്രകാരം, എക്സിന് ഏകദേശം 600 ദശലക്ഷം ഉപയോക്താക്കളുണ്ട്. അതേസമയം ജിമെയിലിന് ഏകദേശം 2.5 ബില്യൺ അഥവാ ലോക ജനസംഖ്യയുടെ മൂന്നിലൊന്ന് ഉപയോക്താക്കളാണുള്ളത്. ഈ സാഹചര്യത്തിൽ എക്സ്മെയിലിന് എത്രത്തോളം വിജയിക്കാൻ കഴിയുമെന്നത് കണ്ടറിയേണ്ടതാണ്. എന്നാൽ ഇമെയിൽ സേവന മേഖലയിൽ പുതിയ മാറ്റങ്ങൾ കൊണ്ടുവരാനുള്ള ശ്രമം തന്നെയാണ് മസ്കിന്റേതെന്ന് വ്യക്തം.
Story Highlights: Elon Musk launches ‘Xmail’ to challenge Google’s Gmail with a cleaner and simpler design.
