Easy ways to clean earphones and keyboards for better performance

ഓരോ ദിവസവും നമ്മൾ ഉപയോഗിക്കുന്ന ഇയർഫോണുകളും കമ്പ്യൂട്ടർ കീബോർഡുകളും വൃത്തിയാക്കേണ്ടത് അത്യാവശ്യമാണ്. ലാപ്ടോപ്പുകളും ഡെസ്ക്ടോപ്പുകളും പോലെ ഇവയും കൃത്യമായി പരിപാലിക്കേണ്ടതുണ്ട്. ഈ ഉപകരണങ്ങൾ പതിവായി വൃത്തിയാക്കുകയും സർവീസ് ചെയ്യുകയും ചെയ്താൽ കൂടുതൽ കാലം നിലനിൽക്കുകയും മികച്ച പ്രകടനം കാഴ്ചവെക്കുമെന്നും കമ്പ്യൂട്ടർ ഉത്പാദകർ പറയുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇവ എങ്ങനെ വൃത്തിയാക്കാമെന്ന് നോക്കാം: ഡിവൈസുകൾ വൃത്തിയാക്കാൻ മൈക്രോഫൈബർ തുണി പോലുള്ള മൃദുവായ തുണി ഉപയോഗിക്കാം. അതോടൊപ്പം ടൂത്ത് ബ്രഷ്, പെയിന്റ് ബ്രഷ് അല്ലെങ്കിൽ മേക്കപ്പ് ബ്രഷ് പോലുള്ള മൃദുവായ ബ്രഷുകളും, കോട്ടൺ സ്വാബുകളും കംപ്രസ്ഡ് എയറും ഉപയോഗിക്കാവുന്നതാണ്.

ഇയർബഡുകൾ പോലുള്ള ഉപകരണങ്ങളിൽ അടിഞ്ഞുകൂടുന്ന ബാക്ടീരിയകളും ഇയർവാക്സും ആരോഗ്യപ്രശ്നങ്ങൾക്കും അസ്വസ്ഥതകൾക്കും കാരണമാകാമെന്ന് വിദഗ്ധർ അഭിപ്രായപ്പെടുന്നു. അതിനാൽ ഇവയുടെ ശുചിത്വം ഉറപ്പുവരുത്തേണ്ടത് അത്യാവശ്യമാണ്. ഏതൊരു ഉപകരണം വൃത്തിയാക്കുമ്പോഴും, അത് പ്ലഗ്ഗ് ചെയ്തിട്ടുണ്ടെങ്കിൽ ആദ്യം തന്നെ ഡിസ്കണക്ട് ചെയ്യണം. അതിനു ശേഷം അതിന്റെ കവറുകളും മറ്റ് അനുബന്ധ വസ്തുക്കളും നീക്കം ചെയ്യുക.

ഉപകരണങ്ങൾ വൃത്തിയാക്കുമ്പോൾ യൂസർ മാനുവലിൽ നൽകിയിട്ടുള്ള നിർദ്ദേശങ്ങൾ പാലിക്കാൻ ശ്രമിക്കുക. എല്ലാ ഉത്പാദകരും അവരവരുടെ ഉത്പന്നങ്ങൾ എങ്ങനെ വൃത്തിയാക്കാമെന്നുള്ള നിർദ്ദേശങ്ങൾ നൽകിയിട്ടുണ്ടാകും.

ഐസോപ്രോപൈൽ ആൽക്കഹോൾ ഉപയോഗിച്ച് ഡിവൈസുകൾ വൃത്തിയാക്കുന്നത് നല്ലതാണ്. ഐസോപ്രോപൈൽ അഥവാ റബ്ബിങ് ആൽക്കഹോൾ, ആന്റിസെപ്റ്റിക്, ആന്റി ബാക്ടീരിയൽ ഗുണങ്ങളുള്ള ഒരു ക്ലീനിങ് ലായകമാണ്. ഇത് ഉപയോഗിച്ച് വൃത്തിയാക്കുമ്പോൾ ഉപകരണങ്ങളിൽ അഴുക്കോ പൊടിയോ ബാക്കി വെക്കാതെ വേഗത്തിൽ ഉണങ്ങാൻ സഹായിക്കുന്നു.

ഇവ കൃത്യമായി വൃത്തിയാക്കിയാൽ ഉപകരണങ്ങൾക്ക് കേടുപാടുകൾ സംഭവിക്കാതെ സംരക്ഷിക്കാം. അതുപോലെ മികച്ച രീതിയിൽ കൂടുതൽ കാലം ഉപയോഗിക്കാനും സാധിക്കും.

Story Highlights: Regularly cleaning and servicing electronic devices like earphones and keyboards can extend their lifespan and improve performance.