തൃശൂര്‍ ലോക്‌സഭാ തെരഞ്ഞെടുപ്പ് കേസില്‍ തെരഞ്ഞെടുപ്പ് കമ്മിഷന്‍ ഹൈക്കോടതിയെ സമീപിച്ചു. വോട്ടിംഗ് മെഷീനുകള്‍ വിട്ടുകിട്ടണമെന്നാണ് കമ്മിഷന്റെ ആവശ്യം. തൃശൂര്‍ തെരഞ്ഞെടുപ്പ് കേസ് ഇവിഎമ്മുമായി ബന്ധപ്പെട്ടതല്ലെന്നും രാജ്യത്ത് ഉടന്‍ നടക്കുന്ന തെരഞ്ഞെടുപ്പുകള്‍ക്കായി ഇവിഎം ആവശ്യമാണെന്നും കമ്മിഷന്‍ കോടതിയെ അറിയിച്ചു.
സുരേഷ് ഗോപിക്കെതിരെ എഐവൈഎഫ് നേതാവ് ബിനോയ് നല്‍കിയ തെരഞ്ഞെടുപ്പ് ഹര്‍ജിയിലാണ് കമ്മിഷന്റെ ഈ നീക്കം. മത ചിഹ്നങ്ങൾ ഉപയോഗിച്ച് വോട്ടർമാരെ സ്വാധീനിച്ചെന്നും ജനപ്രാതിനിധ്യ നിയമം ലംഘിച്ചെന്നുമാണ് ഹർജിയിലെ പ്രധാന ആരോപണങ്ങൾ. തെരെഞ്ഞെടുപ്പ് സമയത്ത് എം പി ഫണ്ടിൽ നിന്ന് പെൻഷൻ നൽകിയെന്നും ഹർജിയിൽ പറയുന്നു.
സുഹൃത്ത് മുഖേന സുരേഷ് ഗോപി വോട്ടര്‍മാര്‍ക്ക് പെന്‍ഷന്‍ വാഗ്ദാനം ചെയ്തെന്നും തെരഞ്ഞെടുപ്പ് കാലത്ത് ബാങ്ക് അക്കൗണ്ടിലേക്ക് പെൻഷൻ തുക കൈമാറിയെന്നുമാണ് ഹർജിയിലെ മറ്റൊരു പ്രധാന വാദം. ഈ ഹർജിയിൽ ഹൈക്കോടതി സുരേഷ് ഗോപിക്ക് നോട്ടീസ് നൽകിയിരുന്നു. ഇപ്പോൾ തെരഞ്ഞെടുപ്പ് കമ്മിഷന്റെ ഇടപെടലോടെ കേസ് പുതിയ വഴിത്തിരിവിലേക്ക് നീങ്ങുകയാണ്.
Story Highlights: Election Commission approaches High Court in Thrissur Lok Sabha election case, seeking release of voting machines
