CPI Discontent Over Elappully Brewery Decision

എലപ്പുള്ളിയിലെ മദ്യ നിർമ്മാണശാലയുമായി മുന്നോട്ടുപോകാനുള്ള എൽഡിഎഫ് തീരുമാനത്തിൽ സിപിഐയിൽ വലിയ അതൃപ്തി നിലനിൽക്കുന്നു. സിപിഐയുടെ സംസ്ഥാന എക്സിക്യൂട്ടീവ് രണ്ടുതവണ ചർച്ച ചെയ്ത് എടുത്ത നിലപാട് മുന്നണി യോഗത്തിൽ അവഗണിക്കപ്പെട്ടതാണ് പ്രധാന വിമർശനം. ജനുവരി 27ന് ആലപ്പുഴയിൽ ചേർന്ന എക്സിക്യൂട്ടീവ് ആണ് ആദ്യം മദ്യ നിർമ്മാണശാലയെ എതിർക്കാൻ തീരുമാനിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ മാസം 17ന് ചേർന്ന എക്സിക്യൂട്ടീവിലും ഈ വിഷയത്തിൽ വിശദമായ ചർച്ച നടന്നിരുന്നു. പാർട്ടി നിലപാടിൽ വിട്ടുവീഴ്ചയില്ലെന്ന് എക്സിക്യൂട്ടീവിൽ പറഞ്ഞ സംസ്ഥാന സെക്രട്ടറി, മുന്നണി യോഗത്തിൽ നിലപാട് മാറ്റിയെന്നും ആരോപണം ഉയർന്നിട്ടുണ്ട്. കിഫ്ബി യൂസർ ഫീ, സ്വകാര്യ സർവകലാശാല തുടങ്ങിയ വിഷയങ്ങളിൽ വിട്ടുവീഴ്ച ചെയ്യേണ്ടിവന്നാലും മദ്യ നിർമ്മാണശാലയുടെ കാര്യത്തിൽ വിട്ടുവീഴ്ചയില്ലെന്ന് സെക്രട്ടറി ബിനോയ് വിശ്വം എക്സിക്യൂട്ടീവിനെ അറിയിച്ചിരുന്നു.

എന്നാൽ മുന്നണിയോഗത്തിലെത്തിയപ്പോൾ ഈ നിലപാട് മാറ്റിയെന്നാണ് പാർട്ടിക്കുള്ളിലെ വിമർശനം. സിപിഐഎമ്മിന്റെ സമ്മർദ്ദത്തിന് വഴങ്ങിയതാണ് ഈ നിലപാട് മാറ്റത്തിന് കാരണമെന്നും ആരോപണമുണ്ട്. പാർട്ടി നിലപാട് ഉയർത്തിപ്പിടിക്കുന്നതിൽ നേതൃത്വം പരാജയപ്പെട്ടുവെന്നും വിമർശനമുണ്ട്.

പാർട്ടിയുടെ വിശ്വാസ്യത നഷ്ടപ്പെട്ടുവെന്ന വികാരത്തിലാണ് പാർട്ടിയിലെ മുതിർന്ന നേതാക്കൾ. മദ്യ നിർമ്മാണശാലയുമായി മുന്നോട്ടുപോകാനുള്ള എൽഡിഎഫ് തീരുമാനം സിപിഐയിൽ വൻ കോളിളക്കം സൃഷ്ടിച്ചിരിക്കുകയാണ്. സിപിഐ ഇടതുമുന്നണിയുടെ ഭാഗമാണെന്നും പാർട്ടിക്ക് സ്വന്തം നിലപാടുകളും രാഷ്ട്രീയവും ഉണ്ടെന്നും സംസ്ഥാന സെക്രട്ടറി ബിനോയ് വിശ്വം പ്രതികരിച്ചു.

ചെലവുചുരുക്കലുമായി സിപിഐ; നേതാക്കളുടെ യാത്രകൾക്കും ഭക്ഷണത്തിനും നിയന്ത്രണം

പാർട്ടി നിലപാട് വിജയിപ്പിച്ചെടുക്കാത്തതിൽ മന്ത്രിമാരെയും സംശയിക്കുന്നവരുണ്ട്. മാർച്ച് 6ന് ചേരുന്ന സിപിഐ സംസ്ഥാന എക്സിക്യൂട്ടീവിൽ ഈ വിഷയം ഉന്നയിക്കാനാണ് നേതാക്കളുടെ തീരുമാനം. മുന്നണി തീരുമാനത്തിനെതിർത്ത് സിപിഐയിലെ ഒരു വിഭാഗം നേതാക്കൾ രംഗത്തെത്തിയിട്ടുണ്ട്.

Story Highlights: CPI expresses strong disappointment over the LDF’s decision to proceed with the Elappully brewery project.