East Coast Vijayan's 'Kallanum Bhagavathiyum' Sequel 'Chanthattam' Announced

പ്രേക്ഷകരുടെ മനസ്സ് കവർന്ന ‘കള്ളനും ഭഗവതിയും’ എന്ന ചിത്രത്തിന്റെ രണ്ടാം ഭാഗം ‘ചാന്താട്ടം’ എന്ന പേരിൽ വരുന്നു. ഈസ്റ്റ് കോസ്റ്റ് വിജയൻ നിർമ്മാണവും സംവിധാനവും നിർവഹിച്ച ആദ്യ ചിത്രം ആമസോൺ പ്രൈമിൽ വമ്പൻ ഹിറ്റായി മാറിയിരുന്നു. നിലവിൽ ആമസോൺ പ്രൈമിന്റെ ആൾ ഇന്ത്യാ റേറ്റിംഗിൽ ആറാം സ്ഥാനത്താണ് ‘കള്ളനും ഭഗവതിയും’. രണ്ടാം ഭാഗത്തിലും നായികാനായകന്മാരായി ബംഗാളി താരം മോക്ഷയും നടൻ വിഷ്ണു ഉണ്ണികൃഷ്ണനും തന്നെ എത്തുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പതിവ് ഈസ്റ്റ് കോസ്റ്റ് വിജയൻ ചിത്രങ്ങളിലെന്ന പോലെ അതിമനോഹരമായ ഗാനങ്ങൾ ‘ചാന്താട്ടത്തിലും’ ഉണ്ടാകുമെന്ന് പ്രേക്ഷകർ പ്രതീക്ഷിക്കുന്നു. ആദ്യ ചിത്രത്തിൽ ഭഗവതിയായി വേഷമിട്ട ബംഗാളി സുന്ദരി മോക്ഷ ഇതിനകം ഒ. ടി. ടി പ്രേക്ഷകർക്കിടയിൽ വൻ തരംഗമായി മാറിക്കഴിഞ്ഞു.

ശാലീന സൗന്ദര്യവും അഭിനയ മികവും കൊണ്ട് ആദ്യ ചിത്രം കൊണ്ടു തന്നെ മോക്ഷ മലയാളത്തിന്റെ മനസ്സ് കീഴടക്കി. ഈസ്റ്റ് കോസ്റ്റ് വിജയന്റെ ഏറ്റവും മികച്ച കണ്ടെത്തൽ കൂടിയായിരുന്നു മോക്ഷ എന്ന നായിക. പത്തനംതിട്ട പ്രസ് ക്ലബ്ബിൽ നടത്തിയ പത്രസമ്മേളനത്തിൽ ചിത്രത്തിന്റെ രണ്ടാം ഭാഗത്തിന്റെ ഔദ്യോഗിക പ്രഖ്യാപനം നടത്തി. രാവിലെ പരുമല വലിയ പനയന്നാർകാവ് ദേവീ ക്ഷേത്രത്തിൽ ‘ചാന്താട്ടം’ സിനിമയുടെ പൂജ നടന്നു.

മലയാള സിനിമ കടുത്ത പ്രതിസന്ധിയിലെന്ന് ഫിലിം ചേംബർ

ആദ്യ ചിത്രത്തിൽ ഭഗവതിയുടെ മാതൃതുല്യമായ വാത്സല്യവും സ്നേഹവും കരുതലും ആണ് പ്രേക്ഷകർ അനുഭവിച്ചതെങ്കിൽ, ‘ചാന്താട്ടത്തിൽ’ അതിനൊപ്പം സമൂഹത്തിലെ തിന്മകൾക്കെതിരെ പ്രതികരിക്കുന്ന ഭഗവതിയുടെ രൗദ്രഭാവവും രുദ്രതാണ്ഡവവും പ്രേക്ഷകർക്ക് കാണാം. രചന കെ. വി അനിൽ നിർവഹിക്കുന്നു. ‘കള്ളനും ഭഗവതിയും’ എന്ന ചിത്രത്തിൽ ഭക്തിസാന്ദ്രമായ ശ്ലോകങ്ങൾക്കും ഗാനങ്ങൾക്കും ഈണം പകർന്ന രഞ്ജിൻ രാജ് ആണ് ‘ചാന്താട്ടത്തിന്റെയും’ സംഗീത സംവിധായകൻ.

Story Highlights: East Coast Vijayan’s hit film ‘Kallanum Bhagavathiyum’ gets a sequel titled ‘Chanthattam’ with Moksha and Vishnu Unnikrishnan reprising their roles.

മലയാള സിനിമ കടുത്ത പ്രതിസന്ധിയിലെന്ന് ഫിലിം ചേംബർ