Dulquer Salmaan's Lucky Bhaskar to stream on Netflix from November 28

ദുൽഖർ സൽമാന്റെ സൂപ്പർ ഹിറ്റ് ചിത്രം ‘ലക്കി ഭാസ്കർ’ ഒടിടി റിലീസിനെത്തുന്നു. നവംബർ 28 മുതൽ നെറ്റ്ഫ്ലിക്സിലൂടെയാണ് ചിത്രം സ്ട്രീമിങ് ആരംഭിക്കുക. 30 കോടി രൂപയ്ക്ക് ചിത്രത്തിന്റെ ഒടിടി ഡീൽ നെറ്റ്ഫ്ലിക്സ് ഉറപ്പിച്ചുവെന്ന് നേരത്തെ റിപ്പോർട്ടുകൾ ഉണ്ടായിരുന്നു. ദീപാവലി ദിനമായ ഒക്ടോബർ 31ന് ആണ് ചിത്രം തിയേറ്ററുകളിൽ പ്രദർശനത്തിനെത്തിയത്. ദുൽഖറിന്റെ കരിയറിലെ ആദ്യ നൂറുകോടി ചിത്രം കൂടിയാണ് ലക്കി ഭാസ്കർ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

1980കളിൽ കോടീശ്വരനായി മാറുന്ന ബാങ്കറായ ഭാസ്കർ കുമാർ എന്ന കഥാപാത്രത്തെയാണ് ദുൽഖർ സൽമാൻ ചിത്രത്തിൽ അവതരിപ്പിച്ചിട്ടുള്ളത്. മീനാക്ഷി ചൗധരിയാണ് ഭാസ്കറിൻ്റെ ഭാര്യ സുമതിയായി വേഷമിട്ടിട്ടുള്ളത്. റുംകി, സച്ചിൻ ഖേദേക്കർ, മാനസ ചൗധരി എന്നിവരും പ്രധാന കഥാപാത്രങ്ങളെ അവതരിപ്പിച്ചിരുന്നു. തെലുങ്കിൽ ലക്കി ഭാസ്കറിന്റെ വിജയത്തോടെ ഹാട്രിക് ബ്ലോക്ക്ബസ്റ്റർ ആണ് ദുൽഖർ സ്വന്തമാക്കിയത്.

കേരളത്തിൽ ആദ്യദിനം 175 സ്ക്രീനുകളിലാണ് ചിത്രം പ്രദർശനത്തിന് എത്തിയത്. എന്നാൽ രണ്ടാം ദിനം 200 ലധികം സ്ക്രീനുകളിൽ ചിത്രം പ്രദർശനത്തിന് എത്തി. വേഫെറർ ഫിലിംസാണ് കേരളത്തിലും ഗൾഫിലും സിനിമ പ്രദർശനത്തിന് എത്തിച്ചത്. ആരാധകരുടെ കാത്തിരിപ്പ് വെറുതെയായില്ല, മലയാളികളുടെ പ്രിയപ്പെട്ട ഡീക്യുവിന്റെ ഈ സൂപ്പർ ഹിറ്റ് ചിത്രം ഇപ്പോൾ ഒടിടിയിലും കാണാൻ സാധിക്കും.

മഞ്ജുവിന്റെ ആ ഇഷ്ടം; അതേ വണ്ടി അവൾ വാങ്ങിച്ചു; മനസ് തുറന്ന് മനോജ് കെ ജയൻ

Story Highlights: Dulquer Salmaan’s blockbuster ‘Lucky Bhaskar’ to stream on Netflix from November 28

മമ്മൂട്ടിക്കൊപ്പം കൂടുതൽ സിനിമകൾ; പക്ഷേ, എല്ലാവരും പറയുന്നത് ശങ്കർ-മേനക കൂട്ടുകെട്ടിനെക്കുറിച്ച്: മേനക