Dubai RTA announces changes in Salik toll and parking fees from 2024

ദുബായിലെ സാലിക്ക് പാർക്കിങ് നിരക്കുകളിൽ വരുന്ന വർഷം മുതൽ മാറ്റങ്ങൾ വരുമെന്ന് റോഡ്സ് ആൻഡ് ട്രാൻസ്പോർട്ട് അതോറിറ്റി (ആർടിഎ) അറിയിച്ചു. തിരക്കേറിയ സമയങ്ങളിൽ ടോൾ നിരക്ക് ഉയരുമെന്നും, ഇതുവഴി ഗതാഗതക്കുരുക്ക് കുറച്ച് യാത്ര സുഗമമാക്കാനാണ് ലക്ഷ്യമിടുന്നതെന്നും അധികൃതർ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2024 ജനുവരി മുതൽ റോഡിലെ തിരക്കിന് അനുസൃതമായി ടോൾ നിരക്കിൽ വ്യത്യാസം വരുത്താനാണ് തീരുമാനം. തിങ്കൾ മുതൽ ശനി വരെയുള്ള ദിവസങ്ങളിൽ രാവിലെ 6 മുതൽ 10 വരെയും വൈകിട്ട് 4 മുതൽ രാത്രി 8 വരെയും 6 ദിർഹമായിരിക്കും ടോൾ നിരക്ക്. എന്നാൽ രാവിലെ 10 മുതൽ വൈകിട്ട് 4 വരെയും രാത്രി 8 മുതൽ പുലർച്ചെ 1 വരെയും 4 ദിർഹം മാത്രം നൽകിയാൽ മതി. രാത്രി 1 മുതൽ പുലർച്ചെ 6 വരെ ടോൾ ഈടാക്കില്ല. ഞായറാഴ്ചകളിൽ 4 ദിർഹമായിരിക്കും നിരക്ക്.

മാർച്ച് അവസാനത്തോടെ പാർക്കിങ് നിരക്കുകളിലും മാറ്റം വരും. പ്രീമിയം പാർക്കിങ് നിരക്ക് മണിക്കൂറിന് 6 ദിർഹമായി നിശ്ചയിച്ചിരിക്കുന്നു. തിരക്കേറിയ സമയങ്ങളിൽ പൊതുപാർക്കിങ് സ്ഥലങ്ങളിൽ 4 ദിർഹം നൽകേണ്ടി വരും. മറ്റ് സമയങ്ങളിൽ നിലവിലെ നിരക്ക് തുടരും. ഞായറാഴ്ചകളിൽ പാർക്കിങ് സൗജന്യമായി തുടരുമെന്നും അധികൃതർ അറിയിച്ചു. ഇവന്റ് സോണുകളിലെ പാർക്കിങ് നിരക്ക് മണിക്കൂറിന് 25 ദിർഹമായി ഉയർത്തിയിട്ടുണ്ട്. ഫെബ്രുവരി മുതൽ ഇത് നടപ്പിലാക്കും. വേൾഡ് ട്രേഡ് സെന്റർ പരിസരത്താണ് ഇത് ആദ്യം പ്രാബല്യത്തിൽ വരിക.

ആകാശ ടാക്സികളുമായി ദുബായ്; ആദ്യ പരീക്ഷണ പറക്കൽ വിജയം

Story Highlights: Dubai’s RTA announces changes in Salik toll and parking fees from 2024 to ease traffic congestion.

ആകാശ ടാക്സികളുമായി ദുബായ്; ആദ്യ പരീക്ഷണ പറക്കൽ വിജയം