Dr. Ravi Pillai Honored with Bahrain's First Class Efficiency Medal

മനാമ: ബഹ്റൈൻ രാജാവ് ഹമദ് ബിൻ ഈസ ആൽ ഖലീഫ, ആർ പി ഗ്രൂപ്പ് ഉടമയും പ്രമുഖ പ്രവാസി വ്യവസായിയുമായ ഡോ. രവി പിള്ളയ്ക്ക് ബഹ്റൈൻ ഫസ്റ്റ്ക്ലാസ് എഫിഷ്യൻസി മെഡൽ സമ്മാനിച്ചു. ബഹ്റൈൻ ദേശീയദിനാഘോഷച്ചടങ്ങിലാണ് ഈ ഉന്നത ബഹുമതി നൽകിയത്. രാജ്യത്തിന്റെ സമഗ്രവികസനത്തിനും പുരോഗതിക്കും ഡോ. രവി പിള്ള നൽകിയ സംഭാവനകൾ പരിഗണിച്ചാണ് ഈ അംഗീകാരം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

റിഫൈനറി മേഖലയിലെ പ്രവർത്തനങ്ങൾ, പ്രാദേശിക സമൂഹത്തിന്റെ വികസനം, തുടങ്ങി ബഹ്റൈന്റെ വിവിധ മേഖലകളിൽ നിർണായക പങ്കുവഹിച്ചതിനാണ് ഈ ബഹുമതി. ഡോ. രവി പിള്ളയുടെ പ്രവർത്തനങ്ങൾ രാജ്യത്തിന്റെ അന്താരാഷ്ട്ര സ്ഥാനം ഉയർത്തുന്നതിൽ നിർണായക പങ്കുവഹിച്ചതായി രാജാവ് അഭിപ്രായപ്പെട്ടു. ഈ അവാർഡ് ലഭിച്ച ഏക വിദേശ വ്യവസായി എന്ന പ്രത്യേകതയും ഡോ. രവി പിള്ളയ്ക്കുണ്ട്.

ഹമദ് രാജാവ് പുറപ്പെടുവിച്ച രാജകീയ വിളംബരത്തിൽ, ഡോ. രവി പിള്ളയുടെ അസാധാരണ സേവനത്തെയും രാജ്യത്തിന് നൽകിയ സംഭാവനകളെയും അഭിനന്ദിച്ചു. രാജ്യത്തിന്റെ അഗാധമായ കൃതജ്ഞതയുടെ അടയാളമായാണ് ഈ വിശിഷ്ട അവാർഡ് നൽകുന്നതെന്നും രാജാവ് വ്യക്തമാക്കി.

കേരളത്തിലെ 77 പൊതുമേഖലാ സ്ഥാപനങ്ങൾ നഷ്ടത്തിൽ

ഈ അംഗീകാരം ലഭിച്ചതിൽ അഭിമാനമുണ്ടെന്ന് ഡോ. രവി പിള്ള പ്രതികരിച്ചു. “ആർ. പി ഗ്രൂപ്പിലെ ഓരോ ജീവനക്കാരന്റെയും കൂട്ടായ പ്രയത്നത്തിന്റെയും ബഹ്റൈനിലെ ജനങ്ങളുടെ പിന്തുണയുടെയും രാജ്യത്തിന്റെ അചഞ്ചലമായ വിശ്വാസത്തിന്റെയും പ്രതിഫലനമാണ് ഈ അവാർഡ്,” അദ്ദേഹം പറഞ്ഞു. ഈ ബഹുമതി ബഹ്റൈനിനും അവിടുത്തെ ജനങ്ങൾക്കും സമർപ്പിക്കുന്നതായും അദ്ദേഹം കൂട്ടിച്ചേർത്തു.

ആർ. പി ഗ്രൂപ്പിന്റെ വിജയത്തിൽ നിർണായക പങ്കുവഹിച്ച ഒരു ലക്ഷത്തിലധികം വരുന്ന ജീവനക്കാർക്കും അവരുടെ കുടുംബങ്ങൾക്കും ഈ അവാർഡ് സമർപ്പിക്കുന്നതായി ഡോ. രവി പിള്ള പറഞ്ഞു. ഗൾഫ് മേഖലയുടെ വളർച്ചയ്ക്കും അഭിവൃദ്ധിക്കും സഹായകമായ സംഭാവനകൾ നൽകിക്കൊണ്ടിരിക്കുന്ന എല്ലാ പ്രവാസി ഇന്ത്യക്കാർക്കും ഈ അംഗീകാരം അഭിമാനകരമാണെന്നും അദ്ദേഹം കൂട്ടിച്ചേർത്തു.

വോഡഫോൺ ഐഡിയയിൽ കേന്ദ്രസർക്കാരിന്റെ ഓഹരി വിഹിതം 48.99% ആയി ഉയരും

ബഹ്റൈന്റെ പുരോഗതിക്കും ക്ഷേമത്തിനും വേണ്ടി നിരന്തരം പ്രയത്നിക്കുന്ന ഭരണാധികാരികൾക്ക് ഡോ. രവി പിള്ള നന്ദി അറിയിച്ചു. രാജാവ് ഹമദ് ബിൻ ഈസ ആൽ ഖലീഫ, കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫ, ശൈഖ് നാസർ ബിൻ ഹമദ് അൽ ഖലീഫ എന്നിവർക്കും ബാപ്കോ എനർജീസ് ചെയർമാനും ഡയറക്ടർ ബോർഡ് അംഗങ്ങൾക്കും അദ്ദേഹം പ്രത്യേകം നന്ദി രേഖപ്പെടുത്തി.

Story Highlights: Bahrain’s King Hamad bin Isa Al Khalifa awards First Class Efficiency Medal to Dr. Ravi Pillai, recognizing his contributions to the country’s development.

സ്വർണവിലയിൽ വീണ്ടും വർധന; പവന് 67,400 രൂപ