DMK Targets 200 Seats in Tamil Nadu Assembly After Vijay's TVK Conference

തമിഴ്നാട് രാഷ്ട്രീയത്തിൽ പുതിയ ചലനങ്ങൾ സൃഷ്ടിച്ചുകൊണ്ട് നടൻ വിജയ് സ്ഥാപിച്ച തമിഴക വെട്രിക് കഴകത്തിന്റെ (ടിവികെ) ആദ്യ സമ്മേളനം നടന്നു. ഈ സാഹചര്യത്തിൽ, ഡിഎംകെ നേതൃത്വം ഗൗരവമായി പ്രതികരിച്ചിരിക്കുകയാണ്. നിയോജകമണ്ഡലം ഭാരവാഹികളുടെ യോഗത്തിൽ സംസാരിച്ച മുഖ്യമന്ത്രി എം. കെ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സ്റ്റാലിൻ, അധികാരത്തുടർച്ചയുണ്ടാകുമെന്നും 200 സീറ്റാണ് ലക്ഷ്യമിടുന്നതെന്നും പ്രഖ്യാപിച്ചു. മണ്ഡലങ്ങളിൽ കൂടുതൽ ശ്രദ്ധ കേന്ദ്രീകരിക്കാനും അദ്ദേഹം നിർദേശം നൽകി. വിജയ് ഉയർത്തിയ രാഷ്ട്രീയ വിമർശനങ്ങളെയും ടിവികെ സമ്മേളനത്തിന് തടിച്ചുകൂടിയ ജനത്തെയും ഡിഎംകെ ഗൗരവമായി കാണുന്നുണ്ട്. എതിരാളികൾ ഇല്ലാത്ത രാഷ്ട്രീയ കാലാവസ്ഥയ്ക്ക് മാറ്റമുണ്ടായെന്ന് ഡിഎംകെയ്ക്ക് ബോധ്യപ്പെട്ടതായി വ്യക്തമാണ്.

വിജയ്യെ വിമർശിച്ച് ഡിഎംകെ നേതാക്കൾ രംഗത്തെത്തി. ടിവികെ സമ്മേളനം സിനിമാ പരിപാടിയെന്നും വിജയ് ബിജെപിയുടെ സി ടീം ആണെന്നും മന്ത്രി രഘുപതി ആരോപിച്ചു. എഐഎഡിഎംകെയുടെ അതേ നയങ്ങളാണ് വിജയ് സമ്മേളനത്തിൽ ആവർത്തിച്ചതെന്നും അവരുടെ വോട്ടുകളാണ് വിജയ്യുടെ ലക്ഷ്യമെന്നും ഡിഎംകെ വക്താവ് ടി. കെ.

എസ്. ഇളങ്കോവൻ പറഞ്ഞു. ഡിഎംകെ മന്ത്രിസഭയിൽ ഘടകകക്ഷികൾക്ക് ഇടം നൽകുന്നില്ലെന്ന വിജയ്യുടെ വിമർശനത്തിന് പിന്നാലെ, മന്ത്രിസഭയിൽ പ്രതിനിധ്യം വേണമെന്നാവശ്യപ്പെട്ട് തമിഴ്നാട് കോൺഗ്രസ് ജനറൽ സെക്രട്ടറി എം. ശരവണൻ മുഖ്യമന്ത്രി എം.

സിപിഐഎം ഏരിയ കമ്മിറ്റി സെക്രട്ടറിക്ക് ജാതി അധിക്ഷേപമെന്ന് പരാതി

കെ. സ്റ്റാലിന് കത്തയച്ചു. തങ്ങളുടെ കൂടെ ചേരുന്നവർക്ക് ഭരണത്തിൽ കാര്യമായി പങ്ക് നൽകുമെന്ന വിജയ്യുടെ പ്രഖ്യാപനവും തമിഴ് രാഷ്ട്രീയത്തിൽ കാര്യമായ ചലനമുണ്ടാക്കിയിട്ടുണ്ട്. ബിജെപിയും സഖ്യകക്ഷികളായ തമിഴകം പാർട്ടിയും ഇന്ത്യ ജനനായക കക്ഷിയും ടിവികെയെ പ്രശംസിച്ച് രംഗത്തെത്തിയിട്ടുണ്ട്.

Story Highlights: DMK prepares for 2026 assembly polls after actor Vijay’s TVK public conference, targeting 200 seats

ഡിഎംകെയ്ക്കും ബിജെപിയ്ക്കുമെതിരെ വിജയ്; മോദിയും സ്റ്റാലിനും ഫാസിസ്റ്റുകളെന്ന് വിമർശനം