Director Bhadran Praises Joju George's Acting in 'Pani' Movie

സംവിധായകൻ ഭദ്രൻ നടൻ ജോജു ജോർജിന്റെ അഭിനയത്തെ പ്രശംസിച്ച് രംഗത്തെത്തി. ‘പണി’ സിനിമയിലെ ജോജുവിന്റെ പ്രകടനത്തെ അദ്ദേഹം പ്രത്യേകം എടുത്തുപറഞ്ഞു. മലയാളത്തിന്റെ അനശ്വരനായ സത്യന് ശേഷം, ഭാവങ്ങൾക്കായി കണ്ണുകൾ സൂക്ഷ്മതയോടെ ഉപയോഗിക്കുന്ന നടനാണ് ജോജു എന്നാണ് ഭദ്രൻ അഭിപ്രായപ്പെട്ടത്. കഥാപാത്രങ്ങൾ തിരഞ്ഞെടുക്കുന്നതിൽ ശ്രദ്ധിച്ചാൽ ഏത് ഉയരവും ജോജുവിന് കീഴടക്കാനാകുമെന്നും അദ്ദേഹം ഫേസ്ബുക്ക് കുറിപ്പിൽ പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യാദൃശ്ചികമായി കണ്ട ‘പണി’ സിനിമയെക്കുറിച്ചുള്ള വിവിധ അഭിപ്രായങ്ങളാണ് തന്നെ കാണാൻ പ്രേരിപ്പിച്ചതെന്ന് ഭദ്രൻ വ്യക്തമാക്കി. ‘ജോസഫ്’, ‘നായാട്ട്’ എന്നീ സിനിമകളിലെ ജോജുവിന്റെ പ്രകടനത്തെയും അദ്ദേഹം പ്രശംസിച്ചു. ‘മധുരം’ സിനിമയിലെ പ്രണയാതുര ഭാവങ്ങൾ കണ്ടപ്പോൾ, തനിക്ക് വീണ്ടും പ്രണയിക്കാൻ തോന്നിയെന്നും ഭദ്രൻ കൂട്ടിച്ചേർത്തു.

‘കരിവീട്ടിയുടെ ഉശിരും, സർപ്പത്തിന്റെ കണ്ണിലെ കൂർമതയും ഒരുപോലെ ഉപയോഗിക്കുന്ന അപൂർവം നടന്മാരിൽ നിങ്ങളും ഉണ്ട്’ എന്നും ഭദ്രൻ ജോജുവിനെ പ്രശംസിച്ചു. അതേസമയം, മികച്ച പ്രതികരണങ്ങൾ ലഭിച്ച ‘പണി’ സിനിമ ഇതുവരെ 35 കോടി രൂപയാണ് ബോക്സ് ഓഫീസിൽ നേടിയത്. ജോജുവിന്റെ കരിയറിലെ ഏറ്റവും ഉയർന്ന കളക്ഷൻ നേടുന്ന സിനിമ കൂടിയായി ‘പണി’ മാറിയിരിക്കുകയാണ്.