തിരയുടെ രണ്ടാം ഭാഗം: പൃഥ്വിരാജിനെ കുറിച്ചുള്ള അഭ്യൂഹങ്ങൾക്ക് മറുപടിയുമായി ധ്യാൻ ശ്രീനിവാസൻ

2013-ൽ പുറത്തിറങ്ങിയ ത്രില്ലർ ചിത്രം ‘തിര’ വിനീതിന്റെ മൂന്നാമത്തെ സംവിധാന സംരംഭമായിരുന്നു. ഈ ചിത്രത്തിലൂടെയാണ് ധ്യാൻ ശ്രീനിവാസൻ സിനിമയിലേക്ക് എത്തുന്നത്. ശോഭനയും ചിത്രത്തിൽ ശക്തമായ കഥാപാത്രത്തെ അവതരിപ്പിച്ചു എന്നതും ശ്രദ്ധേയമായിരുന്നു. ഇപ്പോൾ, ചിത്രത്തിന്റെ രണ്ടാം ഭാഗത്തെ കുറിച്ചുള്ള ചർച്ചകൾ സിനിമാപ്രേമികളുടെ ഇടയിൽ സജീവമാണ്. പൃഥ്വിരാജിനെ വെച്ച് തിരയുടെ രണ്ടാം ഭാഗം വരുന്നു എന്ന തരത്തിലുള്ള റിപ്പോർട്ടുകളും പുറത്തുവന്നിരുന്നു. ഈ വാർത്തകളെക്കുറിച്ച് ധ്യാൻ ശ്രീനിവാസൻ പ്രതികരിച്ചിരിക്കുകയാണ്. “തിരയുടെ രണ്ടാം ഭാഗം എന്തായാലും ചെയ്യും. രാജുവേട്ടനെ വെച്ച് ചെയ്യണമെന്ന പ്ലാനൊന്നുമില്ല,” ധ്യാൻ വ്യക്തമാക്കി. “ഒരു പടം സംവിധാനം ചെയ്ത ശേഷമേ തിര ചെയ്യുകയുള്ളൂ. കാരണം തിരയുടെ സ്കെയിൽ വളരെ വലുതാണ്. പുതിയ പ്രൊഡക്ഷനെ കണ്ടെത്തി അവർ ഇൻവസ്റ്റ് ചെയ്യാനൊക്കെയുള്ള കാലതാമസം നിലവിലുണ്ട്. തിരയുടെ രണ്ടാം ഭാഗം ആദ്യ ഭാഗത്തിന്റെ മുകളിൽ നിൽക്കണമെന്ന് ആഗ്രഹമുണ്ട്. തിയേറ്ററിൽ എക്സ്പീരിയൻസ് ചെയ്യേണ്ട സിനിമയാണ് തിര. ആ ബജറ്റ് വലിയ ഒരു ഫാക്ടറാണ്,” അദ്ദേഹം കൂട്ടിച്ചേർത്തു. Story Highlights: Dhyan Sreenivasan confirms plans for ‘Thira 2’, emphasizing its large scale and theatrical experience.