അടുത്തിടെ ധനുഷും നയൻതാരയും തമ്മിലുള്ള പകർപ്പവകാശ തർക്കം സോഷ്യൽ മീഡിയയിൽ വലിയ ചർച്ചയായിരുന്നു. എന്നാൽ ഇപ്പോൾ ഇരുവരും പങ്കെടുത്ത ഒരു വിവാഹ ചടങ്ങാണ് വീണ്ടും ശ്രദ്ധ നേടുന്നത്. നിർമാതാവ് ആകാശ് ഭാസ്കരന്റെ വിവാഹ ചടങ്ങിലാണ് ഇരുവരും എത്തിയത്. ധനുഷ് സംവിധാനം ചെയ്യുന്ന ‘ഇഡ്ലി കട’ എന്ന പുതിയ ചിത്രത്തിന്റെ നിർമാതാവാണ് ആകാശ്.
വിഘ്നേഷ് ശിവനൊപ്പമാണ് നയൻതാര ചടങ്ങിലെത്തിയത്. ധനുഷ് ഇരുന്നതിന് തൊട്ടടുത്ത ഇരിപ്പിടത്തിലാണ് നയൻതാര ഇരുന്നതെങ്കിലും ഇരുവരും പരസ്പരം ശ്രദ്ധിച്ചില്ല എന്നതാണ് സോഷ്യൽ മീഡിയയിൽ ചർച്ചയാകുന്നത്. വീഡിയോയിൽ ധനുഷ് സ്റ്റേജിലേക്ക് നോക്കിയിരിക്കുകയും നയൻതാര കൂടെയുള്ളവരോട് സംസാരിക്കുകയും ചെയ്യുന്നതായി കാണാം.
നയൻതാരയുടെ ഡോക്യുമെന്ററിയിൽ ധനുഷ് നിർമിച്ച സിനിമയുടെ ദൃശ്യങ്ങൾ ഉൾപ്പെടുത്തിയതിനെതിരെ 10 കോടി രൂപ നഷ്ടപരിഹാരം ആവശ്യപ്പെട്ട് ധനുഷ് നയൻതാരയ്ക്ക് നോട്ടീസ് അയച്ചിരുന്നു. തുടർന്ന് നയൻതാര സോഷ്യൽ മീഡിയയിൽ പ്രതികരിച്ചു, ധനുഷിന് തന്നോട് പകയാണെന്ന് ആരോപിച്ചു. ഈ സംഭവത്തിൽ മറ്റ് താരങ്ങൾ നയൻതാരയെ പിന്തുണച്ചെത്തുകയും ചെയ്തു. ഇപ്പോൾ ഇരുവരും ഒരേ വേദിയിൽ എത്തിയത് പുതിയ ചർച്ചകൾക്ക് വഴിവെച്ചിരിക്കുകയാണ്.
Dhanush & Lady Superstar at a Wedding Today 😉😝
— Christopher Kanagaraj (@Chrissuccess) November 21, 2024
pic.twitter.com/8oMidnnlUX
Story Highlights: Dhanush and Nayanthara attend same wedding amid copyright dispute, sparking social media buzz
