Dhanush and Aishwarya appear in family court for divorce proceedings

വിവാഹമോചനവുമായി ബന്ധപ്പെട്ട് ആദ്യമായി നടൻ ധനുഷും ഭാര്യ ഐശ്വര്യയും കുടുംബകോടതിയിൽ ഹാജരായി. വീണ്ടുമൊന്നിക്കുന്നെന്ന അഭ്യൂഹങ്ങളെ തള്ളിക്കൊണ്ടാണ് ഇരുവരും മാസ്ക് ധരിച്ച് കോടതിയിലെത്തിയത്. കേസ് നിലവിൽ ഇരു കക്ഷികളുടെയും വാദം കേൾക്കുന്നതിനായി ഈ മാസം 27-ലേക്ക് നീട്ടിവെച്ചിരിക്കുകയാണ്. അന്നു തന്നെ കേസിൽ വിധി പറയുമെന്നാണ് റിപ്പോർട്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2004-ൽ വിവാഹിതരായ ധനുഷും രജനീകാന്തിൻ്റെ മകൾ ഐശ്വര്യയും 18 വർഷത്തെ ദാമ്പത്യത്തിനു ശേഷം 2022-ൽ വിവാഹമോചനത്തിന് ഒരുങ്ങുന്നതായി സംയുക്ത പ്രസ്താവനയിലൂടെ പ്രഖ്യാപിച്ചിരുന്നു. യാത്ര, ലിംഗാ എന്നിങ്ങനെ രണ്ട് മക്കളുണ്ട് ഇരുവർക്കും. ധനുഷിനെ നായകനാക്കി ഐശ്വര്യ ‘3’ എന്ന ചിത്രം സംവിധാനം ചെയ്തിട്ടുണ്ട്.

നേരത്തെ വിവാഹ മോചനം പ്രഖ്യാപിച്ച് 2 വർഷം പിന്നിട്ടിട്ടും ഇരുവരും മൂന്നു തവണ ഹിയറിങിന് ഹാജരാകാതിരുന്നതിനാൽ അനുരഞ്ജനത്തിലായെന്ന അഭ്യൂഹങ്ങൾ പരന്നിരുന്നു. എന്നാൽ, ഇപ്പോൾ കോടതിയിൽ ഹാജരായതോടെ ആ അഭ്യൂഹങ്ങൾക്ക് വിരാമമായിരിക്കുകയാണ്.

ഉണ്ണി മുകുന്ദനെതിരായ കേസിൽ വഴിത്തിരിവ്; മർദ്ദനത്തിന് തെളിവില്ലെന്ന് പൊലീസ്

ALSO READ: ഫാന്റസിയുടെ ലോകത്തിലൂടെ പ്രേക്ഷകരെ പൊട്ടിച്ചിരിപ്പിച്ച് ബോണിയും സ്റ്റെഫിയും; തിയറ്ററുകൾക്കൊപ്പം പ്രേക്ഷക മനസും നിറച്ച് ‘ഹലോ മമ്മി’

Story Highlights: Actor Dhanush and wife Aishwarya appear in family court for divorce proceedings, dispelling reconciliation rumors.

എ.പി.ജെ അബ്ദുൽ കലാമായി ധനുഷ്; സംവിധാനം ഓം റൗട്ട്