Deepti Sharma files theft complaint against UP Warriors teammate

ആഗ്ര (ഉത്തർപ്രദേശ്)◾: വനിതാ പ്രീമിയർ ലീഗിൽ യുപി വാരിയേഴ്സ് ടീമിലെ സഹതാരത്തിനെതിരെ മോഷണാരോപണവുമായി ദീപ്തി ശർമ്മ. ടീമംഗമായ ആരുഷി ഗോയൽ തന്റെ ആഗ്രയിലെ ഫ്ലാറ്റിൽ നിന്നും വിലപിടിപ്പുള്ള വസ്തുക്കൾ മോഷ്ടിച്ചെന്നാണ് ഇന്ത്യൻ വനിതാ ക്രിക്കറ്റ് ടീം താരം കൂടിയായ ദീപ്തിയുടെ ആരോപണം. ഇതുമായി ബന്ധപ്പെട്ട് ദീപ്തിയുടെ സഹോദരൻ സുമിത് ശർമ്മ ആഗ്രയിലെ സദർ പോലീസ് സ്റ്റേഷനിൽ പരാതി നൽകിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആരുഷി ഗോയൽ തന്നിൽ നിന്ന് 25 ലക്ഷം രൂപ തട്ടിയെടുത്തെന്നും ദീപ്തി ആരോപിക്കുന്നു. ഇതിനുപുറമെ ആഗ്രയിലെ ഫ്ലാറ്റിൽ അതിക്രമിച്ചു കയറി സ്വർണം, വെള്ളി ആഭരണങ്ങൾ, ഏകദേശം രണ്ട് ലക്ഷം രൂപ വിലമതിക്കുന്ന വിദേശ കറൻസി എന്നിവയുൾപ്പെടെയുള്ള വിലപിടിപ്പുള്ള വസ്തുക്കൾ കവർന്നെന്നും പരാതിയിൽ പറയുന്നു. ഇന്ത്യൻ റെയിൽവേയിൽ ജൂനിയർ ക്ലാർക്കായി ജോലി ചെയ്യുന്ന ആരുഷി, വനിതാ പ്രീമിയർ ലീഗിൽ യുപി വാരിയേഴ്സിൽ ദീപ്തിക്കൊപ്പം കളിച്ചിട്ടുണ്ട്.

സദർ പോലീസ് സ്റ്റേഷനിൽ ലഭിച്ച പരാതിയിൽ കേസ് രജിസ്റ്റർ ചെയ്തിട്ടുണ്ട്. കേസിൽ പ്രഥമദൃഷ്ട്യാ സത്യമുണ്ടെന്ന് കണ്ടെത്തിയതായി എസിപി സുകന്യ ശർമ്മ അറിയിച്ചു. ബിഎൻഎസ് സെക്ഷൻ 305 (എ) (മോഷണം), 331 (3) (വീട്ടിൽ അതിക്രമിച്ചു കയറൽ), 316 (2) (വിശ്വാസലംഘനം), 352 (സമാധാന ലംഘനം) എന്നീ വകുപ്പുകൾ പ്രകാരം എഫ്ഐആർ ഫയൽ ചെയ്തിട്ടുണ്ട്.

വിവിധ അടിയന്തര സാഹചര്യങ്ങൾ ചൂണ്ടിക്കാട്ടി ആരുഷിയും മാതാപിതാക്കളും ദീപ്തിയെ സാമ്പത്തികമായി ചൂഷണം ചെയ്യാൻ ശ്രമിച്ചുവെന്നും റിപ്പോർട്ടുകൾ സൂചിപ്പിക്കുന്നു. ടൈംസ് ഓഫ് ഇന്ത്യയാണ് ഇതുമായി ബന്ധപ്പെട്ടുള്ള വാർത്ത റിപ്പോർട്ട് ചെയ്തത്. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.

Story Highlights: വനിതാ പ്രീമിയർ ലീഗിൽ യുപി വാരിയേഴ്സ് ടീമിലെ സഹതാരത്തിനെതിരെ മോഷണാരോപണവുമായി ദീപ്തി ശർമ്മ.