Acclaimed Director David Lynch Dies at 78

ലോകസിനിമയിലെ പ്രതിഭാധനനായ സംവിധായകൻ ഡേവിഡ് ലിഞ്ച്, 78-ആം വയസ്സിൽ അന്തരിച്ചു. മരണവാർത്ത കുടുംബം സമൂഹമാധ്യമങ്ങളിലൂടെ സ്ഥിരീകരിച്ചു. മരണകാരണമോ സ്ഥലമോ കുടുംബം വെളിപ്പെടുത്തിയിട്ടില്ല. എന്നാൽ, വർഷങ്ങളായി പുകവലി മൂലമുണ്ടായ എംഫിസീമ എന്ന അസുഖം അദ്ദേഹത്തെ അലട്ടിയിരുന്നതായി റിപ്പോർട്ടുകളുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ലോസ് ഏഞ്ചൽസിലായിരുന്നു താമസം. ലിഞ്ചിന്റെ സിനിമകൾ എക്കാലത്തെയും മികച്ച സിനിമാറ്റിക് അനുഭവങ്ങളായി കണക്കാക്കപ്പെടുന്നു. ‘മൽഹോളണ്ട് ഡ്രൈവ്’, ‘ബ്ലൂ വെൽവെറ്റ്’, ‘ഡ്യൂൺ’ (1984) തുടങ്ങിയ സിനിമകൾ ലോകസിനിമയിൽ വേറിട്ടൊരു അദ്ധ്യായം തന്നെ രചിച്ചു. 21-ാം നൂറ്റാണ്ടിലെ ഏറ്റവും മികച്ച ചിത്രങ്ങളിലൊന്നായി ‘മൽഹോളണ്ട് ഡ്രൈവ്’ വാഴ്ത്തപ്പെടുന്നു.

മോഹൻ ബാബുവിന്റെ വീടിനു മുന്നിൽ മകൻ മഞ്ചു മനോജിന്റെ കുത്തിയിരിപ്പ് സമരം

ലിഞ്ചിന്റെ സിനിമാജീവിതം ഫീച്ചർ ഫിലിമുകളിൽ മാത്രം ഒതുങ്ങുന്നതല്ല. നിരവധി ഹ്രസ്വചിത്രങ്ങളും അദ്ദേഹം സംവിധാനം ചെയ്തിട്ടുണ്ട്. മികച്ച സംവിധായകനുള്ള ഓസ്കാർ നാമനിർദ്ദേശം മൂന്ന് തവണ ലഭിച്ചിട്ടുണ്ട്. 2019-ൽ ഓണററി ഓസ്കാർ പുരസ്കാരം നേടി.

ടെലിവിഷൻ രംഗത്തും ലിഞ്ച് തന്റെ പ്രതിഭ തെളിയിച്ചു. ‘ട്വിൻ പീക്ക്സ്’ എന്ന ടെലിവിഷൻ പരമ്പര ലോകമെമ്പാടും അദ്ദേഹത്തിന് ആരാധകരെ നേടിക്കൊടുത്തു. കാൻ ചലച്ചിത്രമേളയിൽ ‘വൈൽഡ് അറ്റ് ഹാർട്ട്’ എന്ന ചിത്രത്തിന് പാം ഡി ഓർ പുരസ്കാരവും ലഭിച്ചു. സിനിമയ്ക്ക് പുറമെ, അഭിനയം, സംഗീതം, ചിത്രകല തുടങ്ങിയ മേഖലകളിലും ലിഞ്ച് സജീവമായിരുന്നു.

കുവൈറ്റിൽ ഡ്രൈവിങ് ടെസ്റ്റുകൾക്ക് അത്യാധുനിക സാങ്കേതികവിദ്യ

ഒന്നിലധികം മേഖലകളിൽ പ്രാവീണ്യം തെളിയിച്ച അപൂർവ്വ പ്രതിഭകളിൽ ഒരാളായിരുന്നു അദ്ദേഹം. ഡേവിഡ് ലിഞ്ചിന്റെ വിയോഗം ലോകസിനിമയ്ക്ക് തീരാനഷ്ടമാണ്.

Story Highlights: David Lynch, acclaimed director of “Blue Velvet,” “Mulholland Drive,” and “Twin Peaks,” dies at 78.