ജൊഹാനസ്ബർഗ്: അന്താരാഷ്ട്ര ക്രിക്കറ്റിൽ നിന്നും വിരമിക്കൽ പ്രഖ്യാപിച്ച് ദക്ഷിണാഫ്രിക്കൻ പേസർ ഡെയ്ൽ സ്റ്റെയ്ൻ. ട്വിറ്ററിലൂടെ ചൊവ്വാഴ്ച പങ്കുവെച്ച കുറിപ്പിലാണ് താരം വിരമിക്കൽ പ്രഖ്യാപിച്ചത്. ഡെയ്ൽ സ്റ്റെയ്ൻ രാജ്യാന്തര ക്രിക്കറ്റിലെ തന്നെ മികച്ച പേസർമാരിൽ ഒരാളാണ്.
Announcement. pic.twitter.com/ZvOoeFkp8w
— Dale Steyn (@DaleSteyn62) August 31, 2021
93 ടെസ്റ്റുകളും 125 ഏകദിനങ്ങളും 47 ട്വന്റി20-കളുമാണ് 16 വർഷം നീണ്ട കരിയറിൽ ഡെയ്ൽ സ്റ്റെയ്ൻ കളിച്ചിട്ടുള്ളത്.ദക്ഷിണാഫ്രിക്കയ്ക്കായി 2004 ഡിസംബർ 17-നാണ് താരം അരങ്ങേറ്റം കുറിച്ചത്. അവസാന മത്സരം 2020 ഫെബ്രുവരി 21-നായിരുന്നു.
93 ടെസ്റ്റിൽ നിന്നും 439 വിക്കറ്റുകളും 125 ഏകദിനങ്ങളിൽ നിന്നും 196 വിക്കറ്റുകളും 47 ട്വന്റി 20-യിൽ നിന്നും 64 വിക്കറ്റുകളും ഡെയ്ൽ സ്റ്റെയ്ൻ വീഴ്ത്തിയിട്ടുണ്ട്. 2008 മുതൽ 2014 വരെ ടെസ്റ്റ് റാങ്കിങ്ങിൽ തുടർച്ചയായി 263 ആഴ്ചകൾ ഒന്നാം സ്ഥാനം നിലനിർത്തിയ താരംകൂടിയാണ് ഡെയ്ൽ സ്റ്റെയ്ൻ.
Story highlight : Dale Steyn announced his retirement from international cricket.
