CPI(M) Thiruvananthapuram: V. Joy re-elected, E.P. Jayarajan's removal explained

സിപിഐഎം തിരുവനന്തപുരം ജില്ലാ സെക്രട്ടറിയായി വി. ജോയി വീണ്ടും തിരഞ്ഞെടുക്കപ്പെട്ടു. കോവളത്ത് നടന്ന ജില്ലാ സമ്മേളനത്തിൽ 46 അംഗ ജില്ലാ കമ്മിറ്റിയെയും തിരഞ്ഞെടുത്തു. പുതിയ ജില്ലാ കമ്മിറ്റി യോഗം ചേർന്നാണ് വി. ജോയിയെ വീണ്ടും സെക്രട്ടറിയായി തിരഞ്ഞെടുത്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംസ്ഥാന സെക്രട്ടറി എം.വി. ഗോവിന്ദൻ സമ്മേളനത്തിൽ നടത്തിയ വെളിപ്പെടുത്തൽ ശ്രദ്ധേയമായി. ഇ.പി. ജയരാജനെ എൽഡിഎഫ് കൺവീനർ സ്ഥാനത്തുനിന്ന് മാറ്റിയത് പ്രവർത്തനത്തിലെ പോരായ്മ കാരണമാണെന്ന് അദ്ദേഹം വ്യക്തമാക്കി. കൺവീനർ എന്ന നിലയിൽ ജയരാജന്റെ പ്രവർത്തനത്തിൽ പോരായ്മകൾ ഉണ്ടെന്ന് നേരത്തെ വിലയിരുത്തിയിരുന്നുവെന്നും, എന്നാൽ തിരുത്തി മുന്നോട്ട് പോകുമെന്ന് കരുതി ആദ്യഘട്ടത്തിൽ മാറ്റിയില്ലെന്നും ഗോവിന്ദൻ വിശദീകരിച്ചു.

ലോക്സഭാ തിരഞ്ഞെടുപ്പ് സമയത്തെ പ്രസ്താവനകളും ജാവദേക്കർ കൂടിക്കാഴ്ചയിലെ സ്ഥിരീകരണവും വന്നതോടെയാണ് ജയരാജനെ മാറ്റാൻ തീരുമാനിച്ചതെന്ന് ഗോവിന്ദൻ വ്യക്തമാക്കി. കൂടാതെ, തെറ്റുതിരുത്തൽ രേഖ നടപ്പാക്കിയിരുന്നെങ്കിൽ മധു മുല്ലശ്ശേരിമാർ ഉണ്ടാകില്ലായിരുന്നുവെന്നും അദ്ദേഹം അഭിപ്രായപ്പെട്ടു. ജില്ലാ സമ്മേളനം 32 സംസ്ഥാന സമ്മേളന പ്രതിനിധികളെയും തിരഞ്ഞെടുത്തു.

അമ്മയുടെ ഭരണസമിതി തിരഞ്ഞെടുപ്പ് ഇന്ന്; നല്ലവരെ തിരഞ്ഞെടുക്കണമെന്ന് ധർമജൻ

Story Highlights: CPI(M) Thiruvananthapuram district secretary V. Joy re-elected, M.V. Govindan reveals reasons for E.P. Jayarajan’s removal as LDF convener.

തിരുവനന്തപുരത്ത് നാളെ ജലവിതരണം മുടങ്ങും