CPIM 24th Party Congress begins in Madurai

മധുര◾: സിപിഐഎമ്മിന്റെ ഇരുപത്തിനാലാം പാർട്ടി കോൺഗ്രസിന് ഇന്ന് മധുരയിലെ തമുക്കം സീതാറാം യെച്ചൂരി നഗറിൽ തുടക്കമാകും. പാർട്ടി കോൺഗ്രസിന്റെ ഭാഗമായി വിവിധ പരിപാടികൾ നടക്കും. ഈ മാസം ആറിന് നടക്കുന്ന പൊതുസമ്മേളനത്തോടെ പാർട്ടി കോൺഗ്രസിന് സമാപനമാകും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പാർട്ടി കേന്ദ്ര കമ്മിറ്റിയംഗം യു വാസുകിയുടെ നേതൃത്വത്തിൽ വെൺമണി രക്തസാക്ഷികളുടെ സ്മാരക കുടീരത്തിൽ നിന്ന് പതാക എത്തിക്കും. നാളെ രാവിലെ കൺട്രോൾ കമ്മീഷൻ ചെയർമാൻ എ കെ പത്മനാഭൻ പതാക ഏറ്റുവാങ്ങും. രാവിലെ എട്ടുമണിക്ക് ബുദ്ധദേബ് ഭട്ടാചാര്യ കവാടത്തിൽ മുതിർന്ന നേതാവ് ബിമൻ ബസു പതാക ഉയർത്തും.

രാവിലെ 10.30ന് കോടിയേരി ബാലകൃഷ്ണൻ സ്മാരക ഹാളിൽ പാർട്ടി കോൺഗ്രസ് ഉദ്ഘാടനം ചെയ്യും. പൊളിറ്റ്ബ്യൂറോ കോ-ഓർഡിനേറ്റർ പ്രകാശ് കാരാട്ട് ആണ് ഉദ്ഘാടനം നിർവഹിക്കുക. 800ലധികം പ്രതിനിധികൾ സമ്മേളനത്തിൽ പങ്കെടുക്കും.

മണിക് സർക്കാർ സമ്മേളനത്തിൽ അധ്യക്ഷത വഹിക്കും. സിപിഐ ജനറൽ സെക്രട്ടറി ഡി രാജ, സിപിഐഎംഎൽ ജനറൽ സെക്രട്ടറി ദിപാങ്കർ ഭട്ടാചര്യ, ആർഎസ്പി ജനറൽ സെക്രട്ടറി മനോജ് ഭട്ടാചാര്യ, എഐഎഫ്ബി ജനറൽ സെക്രട്ടറി ജി ദേവരാജൻ തുടങ്ങിയവർ ഉദ്ഘാടന സമ്മേളനത്തിൽ പങ്കെടുക്കും. രാഷ്ട്രീയ പ്രമേയ റിപ്പോർട്ടും രാഷ്ട്രീയ അവലോകന റിപ്പോർട്ടും പ്രകാശ് കാരാട്ട് അവതരിപ്പിക്കും.

മാസപ്പടി കേസ്: കോൺഗ്രസ് പിണറായിയെ വെള്ളപൂശുന്നുവെന്ന് ഷോൺ ജോർജ്

പി ബി അംഗം ബി വി രാഘവലുവാണ് സംഘടനാ രേഖ അവതരിപ്പിക്കുക. ഇരുപത്തിനാലാം പാർട്ടി കോൺഗ്രസ് മധുരയിൽ വെച്ചാണ് നടക്കുന്നത്. തമുക്കം സീതാറാം യെച്ചൂരി നഗറാണ് വേദി.

Story Highlights: The 24th Party Congress of CPIM commences today in Madurai’s Thamukkam Seetharam Yechury Nagar.

മാസപ്പടി കേസ്: രാഷ്ട്രീയമായി നേരിടുമെന്ന് സിപിഐഎം നേതാക്കൾ