സിപിഐഎം തിരുവനന്തപുരം ജില്ലാ കമ്മിറ്റിയിൽ മേയർ ആര്യാ രാജേന്ദ്രനെതിരെ വിമർശനം ഉയർന്നു. കെഎസ്ആർടിസി ഡ്രൈവറുമായുള്ള തർക്കത്തിൽ മേയറുടെ പെരുമാറ്റം അഹങ്കാരം നിറഞ്ഞതായിരുന്നുവെന്നും, ഇത് പൊതുജനങ്ങൾക്കിടയിൽ അവമതിപ്പുണ്ടാക്കിയെന്നും വിമർശനം ഉയർന്നു. മെമ്മറി കാർഡ് കിട്ടാതിരുന്നത് നന്നായെന്നും, കിട്ടിയിരുന്നെങ്കിൽ പാർട്ടി കുടുങ്ങുമായിരുന്നുവെന്നും യോഗത്തിൽ അഭിപ്രായം ഉയർന്നു.
മന്ത്രി റിയാസ് കടകംപള്ളിയുടെ തർക്കത്തിലും കടുത്ത വിമർശനമുണ്ടായി. വികസന പ്രവർത്തനങ്ങളിൽ വിമർശനം ഉന്നയിച്ചവരെ കോൺട്രാക്ടറുടെ ബിനാമിയാക്കുന്നത് ശരിയല്ലെന്ന് ചിലർ ചൂണ്ടിക്കാട്ടി. മുഖ്യമന്ത്രിയുടെ ഓഫീസിനെതിരെയും വിമർശനം ഉയർന്നു. പാർട്ടി പ്രവർത്തകർക്കും സാധാരണക്കാർക്കും മുഖ്യമന്ത്രിയുടെ ഓഫീസിൽ പ്രവേശനമില്ലെന്നും, മുൻപ് പാർട്ടി നേതാക്കൾക്ക് മുഖ്യമന്ത്രിയെ കാണാമായിരുന്നെങ്കിലും ഇപ്പോൾ അതിനും സാധിക്കില്ലെന്നും അംഗങ്ങൾ ചൂണ്ടിക്കാട്ടി.
