കോപ്പ അമേരിക്കയുടെ ആദ്യ സെമിഫൈനലിൽ അർജന്റീന കാനഡയെ തോൽപ്പിച്ച് ഫൈനലിൽ പ്രവേശിച്ചു. രണ്ട് ഗോളുകൾക്കാണ് ലോക ചാമ്പ്യന്മാർ വിജയം നേടിയത്. മാഞ്ചസ്റ്റർ സിറ്റിയുടെ മുൻ താരം ജൂലിയൻ അൽവാരസ് 22-ാം മിനിറ്റിൽ ആദ്യ ഗോൾ നേടി അർജന്റീനയെ മുന്നിലെത്തിച്ചു.
രണ്ടാം പകുതിയിൽ നായകൻ ലയണൽ മെസ്സി 51-ാം മിനിറ്റിൽ രണ്ടാം ഗോൾ നേടി വിജയം ഉറപ്പിച്ചു. ഈ ടൂർണമെന്റിൽ മെസ്സി നേടുന്ന ആദ്യ ഗോളായിരുന്നു ഇത്. ആവേശകരമായ പോരാട്ടത്തിൽ കാനഡയ്ക്ക് മറുപടി നൽകാനായില്ല.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
വ്യാഴാഴ്ച പുലർച്ചെ നടക്കുന്ന കൊളംബിയ-യുറഗ്വായ് രണ്ടാം സെമിഫൈനൽ വിജയികളെയാണ് അർജന്റീന ഫൈനലിൽ നേരിടുക. ലോക ചാമ്പ്യന്മാരായ അർജന്റീനയുടെ കിരീടം നേട്ടത്തിനുള്ള ശ്രമം തുടരുകയാണ്. മെസ്സിയുടെ നേതൃത്വത്തിൽ ടീം മികച്ച പ്രകടനം കാഴ്ചവയ്ക്കുന്നു.
