കോൺഗ്രസ് പാർട്ടി ഭരണഘടനാ സംരക്ഷണ റാലി സംഘടിപ്പിക്കുമെന്ന് കോൺഗ്രസ് നേതാവ് ജയറാം രമേശ് പ്രഖ്യാപിച്ചു. ഏപ്രിൽ 25 മുതൽ 30 വരെയാണ് സംസ്ഥാന തലസ്ഥാനങ്ങളിൽ റാലി നടക്കുക. മെയ് 3 മുതൽ 10 വരെ ജില്ലാ തലങ്ങളിലും, മെയ് 11 മുതൽ 17 വരെ നിയമസഭാ മണ്ഡലങ്ങളിലും റാലികൾ സംഘടിപ്പിക്കും. മെയ് 25 മുതൽ 30 വരെ വീടുകൾ തോറും പ്രചാരണവും നടത്തും. ഈ മാസം 25 നും 30 നും ഇടയിൽ എല്ലാ സംസ്ഥാന തലസ്ഥാനങ്ങളിലും ഭരണഘടന സംരക്ഷണ റാലി നടത്തുമെന്ന് അദ്ദേഹം വ്യക്തമാക്കി.
\n
നാഷണൽ ഹെറാൾഡ് കേസ് ഉൾപ്പെടെ നിലവിൽ ഉള്ള എല്ലാ വിഷയങ്ങളും ഭരണഘടന സംരക്ഷണ റാലിയിൽ ചർച്ചയാകും. നാഷണൽ ഹെറാൾഡ് കേസിൽ കുറ്റപത്രത്തിന്റെ പകർപ്പ് ഇതുവരെ ലഭിച്ചിട്ടില്ലെന്നും കുറ്റപത്രം ലഭിച്ച ശേഷം തുടർനടപടികൾ സ്വീകരിക്കുമെന്നും അദ്ദേഹം പറഞ്ഞു. സുപ്രീംകോടതിയെ സമീപിക്കണമോ എന്ന് അപ്പോൾ തീരുമാനിക്കും. നാഷണൽ ഹെറാൾഡ് ആരോപണങ്ങൾ വ്യാജമാണെന്നും നടക്കുന്നത് നിയമപോരാട്ടമല്ല, രാഷ്ട്രീയ പോരാട്ടമാണെന്നും അദ്ദേഹം കൂട്ടിച്ചേർത്തു.
\n
ബിജെപി ഇ.ഡിയെ രാഷ്ട്രീയമായി ദുരുപയോഗം ചെയ്യുന്നുവെന്നും ഇതിനെതിരെ മെയ് 21 നും 23 നും ഇടയിൽ രാജ്യത്ത് 40 ഇടങ്ങളിൽ വാർത്താസമ്മേളനങ്ങൾ സംഘടിപ്പിക്കുമെന്നും ജയറാം രമേശ് പറഞ്ഞു. കോൺഗ്രസ് ഭയപ്പെടുന്നില്ലെന്നും ജാതി സെൻസസ് അനിവാര്യമാണെന്നും അദ്ദേഹം വ്യക്തമാക്കി. രാഹുൽ ഗാന്ധിക്കും സോണിയ ഗാന്ധിക്കുമെതിരെ ബിജെപി നുണപ്രചരണം നടത്തുകയാണെന്നും അദ്ദേഹം ആരോപിച്ചു.
\n
ഭരണഘടന സുപ്രീംകോടതിക്ക് നൽകിയ അധികാരങ്ങൾ ദുർബലപ്പെടുത്താൻ ശ്രമം നടക്കുന്നുണ്ടെന്ന് ജയറാം രമേശ് ആരോപിച്ചു. ഉപരാഷ്ട്രപതിയും മന്ത്രിമാരും ബിജെപി എംപിമാരും സുപ്രീംകോടതിക്കെതിരെ പരാമർശങ്ങൾ നടത്തുന്നുണ്ടെന്നും അദ്ദേഹം ചൂണ്ടിക്കാട്ടി. ബിജെപിയുടേത് യഥാർത്ഥ രാഷ്ട്രീയ വിഷയങ്ങളിൽ നിന്ന് ശ്രദ്ധ തിരിക്കാനുള്ള ശ്രമമാണെന്നും അദ്ദേഹം കുറ്റപ്പെടുത്തി.
\n
എല്ലാ സംസ്ഥാനങ്ങളിലും ജില്ലകളിലും രാഷ്ട്രീയ കാര്യ സമിതി രൂപീകരിക്കുമെന്ന് ജയറാം രമേശ് അറിയിച്ചു. ജില്ലാ അധ്യക്ഷന്മാർക്ക് കൂടുതൽ അധികാരങ്ങൾ നൽകിയുള്ള കേരള മോഡൽ എല്ലാ സംസ്ഥാനങ്ങളിലും നടപ്പാക്കും. ഓർഗനൈസറിലെ ലേഖനത്തിന് പിന്നാലെ കേരളത്തിൽ ക്രിസ്ത്യൻ പള്ളികളെയും ബിജെപി ലക്ഷ്യം വയ്ക്കുന്നുവെന്നും എല്ലാ ന്യൂനപക്ഷ വിഭാഗങ്ങളെയും ലക്ഷ്യം വയ്ക്കുകയാണെന്നും അദ്ദേഹം ആരോപിച്ചു.
\n
ഗുജറാത്തിൽ അടുത്ത മാസം പുതിയ ഡിസിസി അധ്യക്ഷന്മാരെ നിയമിക്കുമെന്നും അതിനുള്ള നടപടികൾ ആരംഭിച്ചുവെന്നും ജയറാം രമേശ് പറഞ്ഞു. ഡിസിസി അധ്യക്ഷന്മാർക്ക് തിരഞ്ഞെടുപ്പിൽ മത്സരിക്കാമെന്നും മത്സരിക്കുന്നത് വിലക്കിയിട്ടില്ലെന്നും അദ്ദേഹം വ്യക്തമാക്കി. മുകുൾ വാസ്നിക് അധ്യക്ഷനായ സമിതി തയ്യാറാക്കിയ റിപ്പോർട്ടിൽ നിർദേശം ഉണ്ടായിരുന്നെങ്കിലും തിരുമാനമെടുത്തിട്ടില്ലെന്നും അദ്ദേഹം കൂട്ടിച്ചേർത്തു. അഹമ്മദാബാദിലെ സമ്മേളന തീരുമാനങ്ങൾ എങ്ങനെ മുന്നോട്ടു കൊണ്ടുപോകാമെന്നാണ് ഇന്ന് ചർച്ച ചെയ്തതെന്നും അദ്ദേഹം പറഞ്ഞു.
\n
സാമ്പത്തിക, സാമൂഹിക പ്രശ്നങ്ങൾ മറച്ചുവയ്ക്കാനുള്ള ബിജെപിയുടെ നീക്കമാണ് നാഷണൽ ഹെറാൾഡ് കേസിന് പിന്നിലെന്നും ജയറാം രമേശ് വിമർശിച്ചു. നാഷണൽ ഹെറാൾഡ് കേസ് നിയമപരമായ പ്രശ്നമല്ല, പിന്നിലുള്ളത് രാഷ്ട്രീയമാണെന്നും അദ്ദേഹം ആരോപിച്ചു. സത്യവും അസത്യവും തമ്മിലുള്ള പോരാട്ടമാണ് നടക്കുന്നതെന്നും അദ്ദേഹം കൂട്ടിച്ചേർത്തു.
Story Highlights: Congress will organize a nationwide rally to protect the Constitution, addressing issues like the National Herald case and BJP’s alleged misuse of ED.
രാഹുൽ മാങ്കൂട്ടത്തിലിന്റെ നിയമസഭാ സമ്മേളനത്തിലെ പങ്കാളിത്തം കോൺഗ്രസിൽ തർക്കത്തിന് ഇടയാക്കുന്നു. രാഹുൽ പങ്കെടുക്കണമെന്ന Read more
ബിജെപി ദേശീയ നേതൃത്വത്തോട് കെ. അണ്ണാമലൈയ്ക്ക് അതൃപ്തിയെന്ന് സൂചന. അമിത് ഷാ വിളിച്ച Read more
വോട്ട് കുംഭകോണത്തിൽ ഉടൻ തന്നെ ഹൈഡ്രജൻ ബോംബ് പൊട്ടിക്കുമെന്ന മുന്നറിയിപ്പുമായി രാഹുൽ ഗാന്ധി Read more
രാഹുൽ മാങ്കൂട്ടത്തിലിനെതിരായ വിഷയത്തിൽ കോൺഗ്രസ് തങ്ങളുടെ നിലപാട് മയപ്പെടുത്തുന്നു. രാഹുൽ എം.എൽ.എ. സ്ഥാനം Read more
പ്രധാനമന്ത്രി നരേന്ദ്ര മോദിയുടെ ചൈന സന്ദർശനത്തെ കോൺഗ്രസ് വിമർശിച്ചു. ഗൽവാൻ സംഘർഷത്തിൽ ചൈനയ്ക്ക് Read more
ആഗോള അയ്യപ്പ സംഗമത്തിന് എൻഎസ്എസ് പിന്തുണ അറിയിച്ചു. എന്നാൽ തമിഴ്നാട് മുഖ്യമന്ത്രി സ്റ്റാലിനെ Read more
രാഹുൽ മാങ്കൂട്ടത്തിൽ എംഎൽഎ സ്ഥാനം രാജി വെക്കാത്തതിനെതിരെ ബിജെപി തമിഴ്നാട് വൈസ് പ്രസിഡന്റ് Read more
ആർഎസ്എസ് ബിജെപിക്ക് വേണ്ടി തീരുമാനമെടുക്കുന്നില്ലെന്ന് മോഹൻ ഭാഗവത്. എല്ലാ സംഘ സംഘടനകളും സ്വതന്ത്രമായി Read more
കെപിസിസി പുനഃസംഘടന വൈകുന്നതിൽ കോൺഗ്രസ്സിൽ അതൃപ്തി ശക്തമാകുന്നു. ഭാരവാഹികളെ നിയമിക്കാതെ പാർട്ടിയെ നിയന്ത്രണത്തിൽ Read more
രാഹുൽ മാങ്കൂട്ടത്തിൽ വിഷയം ചർച്ച ചെയ്യേണ്ടതില്ലെന്ന് കെപിസിസി നേതൃയോഗത്തിൽ നിർദ്ദേശം. രാഹുലിനെതിരെ പാര്ട്ടി Read more
