വയനാട്ടിലെ ചൂരല്മല – മുണ്ടക്കൈ ദുരന്തബാധിതരുടെ പുനരധിവാസത്തിനായി പ്രഖ്യാപിച്ച ടൗണ്ഷിപ്പ് പദ്ധതിയുടെ പിന്നാലെ, മന്ത്രി കെ രാജന് ഇന്ന് ജില്ലയിലെത്തി. രാവിലെ 10 മണിക്ക് ജില്ലാ കളക്ടറേറ്റില് അവലോകനയോഗം ചേരുന്ന മന്ത്രി, തുടര്ന്ന് സര്ക്കാര് ഏറ്റെടുക്കുന്ന എല്സ്റ്റണ്, നെടുമ്പാല എസ്റ്റേറ്റുകള് സന്ദര്ശിക്കുമെന്നാണ് പ്രതീക്ഷിക്കുന്നത്. ഈ എസ്റ്റേറ്റുകളില് ആസ്തി പരിശോധനയുടെ ഭാഗമായുള്ള സര്വ്വേ നടപടികള് ഇന്നും തുടരും.
രണ്ടാഴ്ചക്കുള്ളില് എല്ലാ നടപടിക്രമങ്ങളും പൂര്ത്തിയാക്കാനാണ് ലക്ഷ്യമിടുന്നത്. എന്നാല്, പുനരധിവാസ പദ്ധതിയുടെ ഭാഗമായി വീട് നിര്മ്മാണത്തിന് പ്രഖ്യാപിച്ച 5 സെന്റ് ഭൂമി എന്ന നിര്ദ്ദേശം അംഗീകരിക്കില്ലെന്ന നിലപാടിലാണ് രണ്ട് ആക്ഷന് കൗണ്സിലുകളും. നെടുമ്പാലയിലെ പോലെ എല്സ്റ്റണിലും 10 സെന്റ് ഭൂമി വീട് നിര്മ്മാണത്തിന് അനുവദിക്കണമെന്നാണ് ദുരിതബാധിതരുടെ ആവശ്യം.
മുഖ്യമന്ത്രിയുടെ പ്രഖ്യാപനത്തിന് പിന്നാലെ ഉയര്ന്ന വിമര്ശനം പ്രധാനമായും സ്ഥലത്തിന്റെ വിസ്തീര്ണ്ണം സംബന്ധിച്ചാണ്. നെടുമ്പാല എച്ച്എംഎല് എസ്റ്റേറ്റില് 10 സെന്റ് ഭൂമിയില് വീട് നിര്മ്മിക്കുമ്പോള്, കല്പ്പറ്റ നഗരസഭയിലെ എല്സ്റ്റണ് എസ്റ്റേറ്റില് അത് 5 സെന്റ് മാത്രമാണെന്നതാണ് പ്രതിഷേധത്തിന് കാരണം. പുനരധിവാസത്തിനായി തിരഞ്ഞെടുത്ത എസ്റ്റേറ്റുകളില് സര്വേ നടപടികള്ക്ക് ഇന്നലെ തുടക്കമായി.
സ്പെഷ്യല് ഓഫീസറും ഡെപ്യൂട്ടി കലക്ടറുമായ ജെ. ഒ അരുണിന്റെ നേതൃത്വത്തില്, കൃഷി, വനം, റവന്യു വകുപ്പുകളിലെ ഉദ്യോഗസ്ഥരുടെ സംയുക്ത സംഘമാണ് സര്വേ നടത്തുന്നത്. ഏറ്റെടുക്കുന്ന സ്ഥലത്തെ ആസ്തികളുടെ വിശദമായ വിവരശേഖരണമാണ് നടക്കുന്നത്.
രണ്ടാഴ്ചയ്ക്കുള്ളില് എല്ലാ നടപടികളും പൂര്ത്തിയാക്കി റിപ്പോര്ട്ട് സര്ക്കാരിന് സമര്പ്പിക്കാനാണ് ലക്ഷ്യമിടുന്നത്. ഇന്ന് മുതല് നെടുമ്പാല എസ്റ്റേറ്റിലും സര്വേ ആരംഭിക്കും.
Story Highlights: Minister K Rajan visits Wayanad for Chooralmala-Mundakkai disaster victims’ rehabilitation
അനുരാജ് മനോഹർ സംവിധാനം ചെയ്ത 'നരിവേട്ട' എന്ന സിനിമയെ പ്രശംസിച്ച് മന്ത്രി കെ. Read more
സംസ്ഥാനത്ത് കനത്ത മഴ തുടരുന്ന സാഹചര്യത്തിൽ ജാഗ്രതാ നിർദ്ദേശവുമായി മന്ത്രി കെ. രാജൻ. Read more
സംസ്ഥാനത്ത് അതിശക്തമായ മഴ പെയ്യുന്ന സാഹചര്യത്തിൽ പൊതുജനങ്ങൾ ജാഗ്രത പാലിക്കണമെന്ന് റവന്യൂ മന്ത്രി Read more
തൃശൂർ പൂരത്തിനിടെയുണ്ടായ സംഭവങ്ങളിൽ എഡിജിപി എംആർ അജിത് കുമാറിനെതിരെ മന്ത്രി കെ രാജൻ Read more
ഇരുപത്തിയഞ്ച് വർഷത്തിനു ശേഷം തൃശ്ശൂർ സ്കൂൾ കലോത്സവത്തിൽ സ്വർണ്ണക്കപ്പ് നേടി. 1008 പോയിന്റുകൾ Read more
മുണ്ടക്കൈ-ചൂരല്മല ഉരുള്പൊട്ടല് അതിതീവ്ര ദുരന്തമായി പ്രഖ്യാപിക്കുന്നതില് കേന്ദ്രം 153 ദിവസം വൈകിയതായി കേരളം Read more
മുണ്ടക്കൈ-ചൂരൽമല പുനരധിവാസ പട്ടികയിലെ ഇരട്ടിപ്പ് കൃത്യമായി പരിശോധിക്കുമെന്ന് റവന്യൂ മന്ത്രി കെ രാജൻ Read more
വയനാട് ദുരന്ത ബാധിതരുടെ പുനരധിവാസത്തിനായുള്ള ഗുണഭോക്താക്കളുടെ പട്ടിക ഉടൻ പ്രസിദ്ധീകരിക്കുമെന്ന് റവന്യൂ മന്ത്രി Read more
കേന്ദ്രസർക്കാർ രക്ഷാപ്രവർത്തന ചെലവ് ആവശ്യപ്പെട്ടതിനെതിരെ മന്ത്രി കെ രാജനും കെ.വി തോമസും രംഗത്ത്. Read more
ചേലക്കര ഉപതെരഞ്ഞെടുപ്പിൽ എൽഡിഎഫ് നേടിയ മുന്നേറ്റത്തെക്കുറിച്ച് മന്ത്രി കെ രാജൻ പ്രതികരിച്ചു. ഇത് Read more
