Chiyaan Vikram praises 'Mura' trailer, meets cast in Madurai

മുഹമ്മദ് മുസ്തഫ സംവിധാനം ചെയ്യുന്ന ‘മുറ’ എന്ന ചിത്രത്തിന്റെ ട്രെയിലർ കണ്ട് തെന്നിന്ത്യൻ സൂപ്പർ താരം ചിയാൻ വിക്രം അഭിനന്ദനം അറിയിച്ചു. വീര ധീര ശൂരന്റെ മധുര ലൊക്കേഷനിൽ വച്ചാണ് വിക്രം മുറയിലെ താരങ്ങളെയും അണിയറ പ്രവർത്തകരെയും നേരിൽ കണ്ടത്. ആക്ഷൻ ഡ്രാമാ ജോണറിലുള്ള ഈ ചിത്രത്തിന്റെ ട്രെയിലർ മനോഹരമാണെന്നും നവംബർ 8ന് റിലീസാകുന്ന ചിത്രം തിയേറ്ററിൽ വൻ വിജയമാകട്ടെയെന്നും അദ്ദേഹം ആശംസിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുറയിലൂടെ മലയാള സിനിമാ ലോകത്തെത്തുന്ന യുവ താരങ്ങളുടെ പ്രകടനത്തെ വിക്രം പ്രത്യേകം അഭിനന്ദിച്ചു. ഹ്രിദ്ധു ഹാറൂൺ, സുരാജ് വെഞ്ഞാറമൂട്, മാല പാർവതി എന്നിവർ കേന്ദ്ര കഥാപാത്രങ്ങളിലെത്തുന്ന ഈ ചിത്രം തലസ്ഥാനനഗരിയിൽ നടന്ന ഒരു കഥയെ ആസ്പദമാക്കിയാണ് ഒരുക്കിയിരിക്കുന്നത്. ചിത്രത്തിന്റെ ട്രെയിലർ യൂട്യൂബിൽ മണിക്കൂറുകൾക്കുള്ളിൽ തന്നെ മില്യൺ കാഴ്ചക്കാരിലേക്കു കുതിക്കുകയാണ്.

മുറയുടെ നേരത്തെ റിലീസ് ചെയ്ത ടീസറും ഗാനങ്ങളും സോഷ്യൽ മീഡിയയിൽ ട്രെൻഡിംഗ് ആയിരുന്നു. ഉപ്പും മുളകും ഫെയിം സുരേഷ് ബാബുവാണ് മുറയുടെ രചന നിർവഹിക്കുന്നത്. റിയാ ഷിബുവും എച്ച് ആർ പിക്ചേഴ്സും ചേർന്നാണ് ചിത്രത്തിന്റെ നിർമ്മാണം.

ടൊവിനോയുടെ 'നരിവേട്ട' മെയ് 23ന് തിയേറ്ററുകളിലേക്ക്; ചേരനും പ്രധാനവേഷത്തിൽ

ഫാസിൽ നാസർ ഛായാഗ്രഹണവും ക്രിസ്റ്റി ജോബി സംഗീത സംവിധാനവും നിർവഹിക്കുന്നു. കനി കുസൃതി, കണ്ണൻ നായർ, കൃഷ് ഹസ്സൻ, സിബി ജോസഫ് എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.

Story Highlights: Chiyaan Vikram praises ‘Mura’ trailer, meets cast and crew in Madurai

ടൊവിനോയുടെ ‘നരിവേട്ട’ മെയ് 23ന് തിയേറ്ററുകളിലേക്ക്; ചേരനും പ്രധാനവേഷത്തിൽ