പ്രശസ്ത പോപ് ബാന്‍ഡ് വണ്‍ ഡയറക്ഷന്‍ ഗായകന്‍ ലിയാം പെയ്‌ന്റെ സംസ്‌കാര ചടങ്ങില്‍ ഗേള്‍സ് എലൗഡ് ബാന്‍ഡ്‌മേറ്റ്‌സിനൊപ്പം ചെറില്‍ പങ്കെടുത്തു. നവംബര്‍ 20ന് ഇംഗ്ലണ്ടില്‍ നടന്ന ചടങ്ങില്‍ ലിയാം പെന്നിന്റെ മാതാപിതാക്കളായ കേരന്‍, ജിയോഫ് പെയ്ന്‍ എന്നിവര്‍ക്ക് പിന്നിലായി സംസ്‌കാര ചടങ്ങ് കഴിഞ്ഞ് മടങ്ങുന്ന ചെറിലിന്റെ ചിത്രങ്ങള്‍ പുറത്തുവന്നിരുന്നു. ചെറിലിന് ലിയാം പെയ്ന്നില്‍ ഏഴു വയസുകാരനായ മകനുണ്ട്.
ചെറിലിന്റെ ഗേള്‍സ് എലൗഡ് ബാന്‍ഡ്‌മേറ്റ്‌സായ കിംബേര്‍ലി വാല്‍ഷ്, നിക്കോള റോബേര്‍ട്ട്‌സ് എന്നിവരും സംസ്‌കാരചടങ്ങില്‍ പങ്കെടുത്തു. പെന്നിന്റെ മുന്‍ ബാന്‍ഡ്‌മേറ്റുകളായ ഹാരി സ്റ്റൈല്‍സ്, നിയാല്‍ ഹൊറാന്‍, സെയ്ന്‍ മാലിക്, ലൂയിസ് തോംലിന്‍സണ്‍ എന്നിവരും പെയ്‌നിന്റെ കാമുകി കേറ്റ് കാസിഡിയും സംസ്‌കാര ചടങ്ങിലുണ്ടായിരുന്നു.
അര്‍ജന്റീനയുടെ തലസ്ഥാനമായ ബ്യൂണസ് അയര്‍സിലെ ഒരു ഹോട്ടലിലെ മൂന്നാം നിലയിലെ മുറിയുടെ ബാല്‍ക്കണിയില്‍ നിന്ന് വീണാണ് ലിയാം പെയ്ന്‍ മരിച്ചത്. വീഴ്ചയില്‍ തന്നെ മരണം സംഭവിച്ചിരുന്നെന്നാണ് റിപ്പോര്‍ട്ടുകള്‍ പുറത്തുവന്നത്. പ്രശസ്ത പോപ് ഗായകന്റെ അകാല വിയോഗം സംഗീത ലോകത്തിന് വലിയ നഷ്ടമാണ് സംഭവിച്ചിരിക്കുന്നത്.
Story Highlights: Cheryl attends funeral of One Direction singer Liam Payne in England with Girls Aloud bandmates
