ചെന്നൈ കോർപ്പറേഷനിലെ ആദ്യ വനിതാ ദഫേദാറായ എം.ബി. മാധവിയെ ലിപ്സ്റ്റിക് ഇട്ടതിന്റെ പേരിൽ സ്ഥലം മാറ്റിയതായി ആരോപണം ഉയർന്നിരിക്കുകയാണ്. മേയറുടെ ഔദ്യോഗിക പരിപാടികളിൽ ലിപ്സ്റ്റിക് ഉപയോഗിക്കരുതെന്ന നിർദേശം അനുസരിക്കാത്തതിനെ തുടർന്നാണ് മണലിയിലേക്ക് സ്ഥലം മാറ്റിയതെന്നാണ് മാധവിയുടെ ആരോപണം.
എന്നാൽ, ഈ ആരോപണത്തെ നിഷേധിച്ച മേയർ പ്രിയ, കടുത്ത നിറമുള്ള ലിപ്സ്റ്റിക് ഉപയോഗിക്കരുതെന്ന് നേരത്തെ നിർദേശിച്ചിരുന്നതായി വ്യക്തമാക്കി. സ്ഥലം മാറ്റം ലിപ്സ്റ്റിക്കിന്റെ പേരിലല്ലെന്നും അവർ വിശദീകരിച്ചു. മണലി സോണിലെ ഒഴിഞ്ഞുകിടന്ന പോസ്റ്റിലേക്കാണ് മാധവിയെ മാറ്റിയിരിക്കുന്നത്.
വനിതാ ദിനത്തിൽ മാധവി ഫാഷൻ ഷോയിൽ പങ്കെടുത്തത് വിമർശനത്തിന് വഴി തെളിച്ചിരുന്നുവെന്ന് മേയർ പ്രിയ വ്യക്തമാക്കി. എംബസിയിൽ നിന്നുൾപ്പെടെയുള്ള ഉദ്യോഗസ്ഥർ സ്ഥിരമായി എത്തുന്ന ഓഫീസ് ആയതിനാൽ കടും നിറത്തിലുള്ള ലിപ്സ്റ്റിക് ഇടരുതെന്ന് പി.എ. ആവശ്യപ്പെട്ടതായും അവർ വിശദീകരിച്ചു. ഈ വിഷയം മാധവിയോട് നേരത്തെ തന്നെ വിശദമാക്കിയിരുന്നതായും മേയർ പ്രിയ മാധ്യമങ്ങളോട് പ്രതികരിച്ചു.
Story Highlights: First woman dafedar in Chennai Corporation relocated over lipstick issue, sparking controversy
