ലണ്ടന്‍ ഡെര്‍ബിയില്‍ ചെല്‍സിയും ആഴ്‌സണലും 1-1 എന്ന സ്‌കോറില്‍ സമനിലയില്‍ പിരിഞ്ഞു. സ്റ്റാംഫോര്‍ഡ് ബ്രിഡ്ജ് സ്‌റ്റേഡിയത്തില്‍ നടന്ന മത്സരത്തില്‍ ഇരുടീമുകളും 5-4-2 എന്ന ഫോര്‍മാറ്റിലാണ് കളിച്ചത്. ആദ്യ പകുതി ഗോള്‍രഹിത സമനിലയില്‍ അവസാനിച്ചു.
60-ാം മിനിറ്റില്‍ ആഴ്‌സണലിന് വേണ്ടി ഗബ്രിയേല്‍ മാര്‍ട്ടിനെല്ലി ആദ്യ ഗോള്‍ നേടി. പരുക്കില്‍ നിന്ന് മുക്തനായി എത്തിയ മാര്‍ട്ടി ഒദെഗാര്‍ദ് ആണ് ഗോളിന് അവസരമൊരുക്കിയത്. എന്നാല്‍ പത്ത് മിനിറ്റിനുള്ളില്‍ പെട്രോ നെറ്റോയിലൂടെ ചെല്‍സി സമനില പിടിച്ചു.
മത്സരത്തിന്റെ അവസാന നിമിഷങ്ങളില്‍ സബ്സ്റ്റിറ്റ്യൂട്ടായി ഇറങ്ങിയ ലിയാന്‍ഡ്രോ ട്രോസ്സാര്‍ഡ് രണ്ട് സുവര്‍ണാവസരങ്ങള്‍ പാഴാക്കി. ചുവപ്പും നീലയുമായി ഇളകിമറിഞ്ഞ സ്റ്റേഡിയത്തിന് മികച്ച കാഴ്ചാവിരുന്ന് സമ്മാനിക്കാന്‍ ഇരുടീമുകള്‍ക്കും സാധിച്ചു. ഇതോടെ ലണ്ടന്‍ ഡെര്‍ബി സമനിലയില്‍ കലാശിച്ചു.
Story Highlights: Chelsea and Arsenal draw 1-1 in London Derby at Stamford Bridge
