Chakara phenomenon appears in Alappuzha Thottappally

ആലപ്പുഴ തോട്ടപ്പള്ളിയിൽ ചാകര പ്രത്യക്ഷപ്പെട്ടതോടെ മത്സ്യത്തൊഴിലാളികൾക്ക് ആശ്വാസമായി. തോട്ടപ്പള്ളി മുതൽ പുന്തല വരെയുള്ള പ്രദേശത്താണ് ചാകരപ്പാട് കാണപ്പെട്ടത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മൂന്നുമാസത്തോളം നീണ്ട കള്ളക്കടലിനും കടൽക്ഷോഭത്തിനും ശേഷമാണ് ഈ സുപ്രധാന പ്രതിഭാസം ഉണ്ടായത്. നത്തോലിയുടെയും ചെമ്മീനിന്റെയും ലഭ്യത വർധിച്ചെങ്കിലും മത്തിയുടെ ലഭ്യത കുറവാണ്.

ജില്ലയുടെ മറ്റു തീരങ്ങളിൽ ചാകര പ്രതിഭാസം ഇല്ലാത്തതിനാൽ, മിക്ക മത്സ്യബന്ധന വള്ളങ്ങളും തോട്ടപ്പള്ളി ഹാർബറിൽ നിന്നാണ് യാത്ര തിരിക്കുന്നത്. പുന്തല, പുറക്കാട്, കരൂർ, ആനന്ദേശ്വരം എന്നീ പ്രദേശങ്ങളിൽ തിരയുടെ ശക്തി കുറഞ്ഞതായി കണ്ടെത്തി.

ഇത് ചെറിയ വള്ളങ്ങൾക്കും പൊന്തു വലക്കാർക്കും അനുകൂലമായ സാഹചര്യം സൃഷ്ടിച്ചു. തോട്ടപ്പള്ളിയിൽ മത്സ്യബന്ധനത്തിൽ ഏർപ്പെട്ടിരിക്കുന്നവരിൽ ഭൂരിഭാഗവും ചെറിയ വള്ളങ്ങളും പൊന്തു വലക്കാരുമാണ്.

എന്നാൽ, നൂറിലേറെ തൊഴിലാളികൾ കയറുന്ന വലിയ ലെയ്ലന്റ് വള്ളങ്ങൾ കായംകുളത്താണ് അടുക്കുന്നത്. ഈ ചാകര പ്രതിഭാസം മത്സ്യത്തൊഴിലാളികൾക്ക് വലിയ ആശ്വാസമാണ് നൽകിയിരിക്കുന്നത്.

SKN@40 സംസ്ഥാന പര്യടനം ഇന്ന് ആലപ്പുഴയിൽ

എസ്കെഎൻ 40 കേരള യാത്ര: ആലപ്പുഴയിലെ പര്യടനം സമാപിച്ചു; ലഹരി വിരുദ്ധ സന്ദേശം പ്രചരിപ്പിച്ച് കോട്ടയത്തേക്ക്