അഗ്നിപഥ് പദ്ധതിയിൽ ഘടനാപരമായ മാറ്റങ്ങൾ വരുത്താൻ കേന്ദ്രസർക്കാർ ആലോചിക്കുന്നു. പദ്ധതിയുമായി ബന്ധപ്പെട്ട വിമർശനങ്ങൾ ഒഴിവാക്കാനുള്ള പരിഷ്കരണങ്ങളാണ് നടപ്പാക്കാൻ ഉദ്ദേശിക്കുന്നത്.
സേനകൾക്കുള്ളിൽ ഇക്കാര്യത്തിൽ ചർച്ചകൾ നടക്കുന്നതായി സൂചനയുണ്ട്. അടിസ്ഥാനപരമായ ചില മാറ്റങ്ങൾക്ക് സേന കേന്ദ്രസർക്കാരിനോട് നിർദേശിച്ചേക്കും.
നാലുവർഷ നിയമനത്തിനുശേഷം 25 ശതമാനത്തിനു പകരം 50 ശതമാനം അഗ്നിവീറുകളെ സേനയിലേക്ക് ഉൾപ്പെടുത്തുന്നതാണ് പ്രധാന പരിഗണനകളിലൊന്ന്. അപേക്ഷിക്കാനുള്ള പ്രായപരിധി 21-ൽനിന്ന് 23 ആയി ഉയർത്തുന്നതും ചർച്ചയിലുണ്ടെന്നാണ് വിവരം.
ബിരുദധാരികൾക്കും അപേക്ഷിക്കാൻ വഴിയൊരുക്കുന്നതാകും ഈ നീക്കം. ലോക്സഭയിൽ പ്രതിപക്ഷനേതാവ് രാഹുൽ ഗാന്ധിയുടെ പ്രസംഗത്തോടെ അഗ്നിപഥ് പദ്ധതി വീണ്ടും വിവാദവിഷയമായിരിക്കുകയാണ്.
പദ്ധതി ഒഴിവാക്കണമെന്നാണ് പ്രതിപക്ഷം ആവശ്യപ്പെടുന്നത്. അഗ്നിവീറുകൾ കൊല്ലപ്പെട്ടാൽ മറ്റു സൈനികർക്കുള്ള ആനുകൂല്യങ്ങൾ നൽകുന്നില്ലെന്നും അത് പക്ഷപാതപരമാണെന്നുമാണ് പ്രതിപക്ഷത്തിന്റെ നിലപാട്.
സിന്ദൂർ ദൗത്യത്തിന്റെ പൂർണ്ണ വിവരങ്ങൾ കേന്ദ്ര സർക്കാർ പുറത്തുവിട്ടു. സാങ്കേതികവിദ്യയിൽ ഇന്ത്യ കൈവരിച്ച Read more
ഡ്രോൺ ആക്രമണങ്ങളെ ചെറുക്കുന്നതിനുള്ള അത്യാധുനിക സംവിധാനം ഇന്ത്യ വിജയകരമായി വികസിപ്പിച്ചു. 'ഭാർഗവാസ്ത്ര' എന്ന് Read more
