Central Government Reveals Kerala's Late Request for Wayanad Aid

വയനാട് മുണ്ടക്കൈ-ചൂരല്മല ദുരന്തത്തിന് ശേഷം കേരള സര്ക്കാര് കേന്ദ്രത്തോട് സഹായം ആവശ്യപ്പെട്ടത് ഈ മാസം 13ന് മാത്രമാണെന്ന് കേന്ദ്രസര്ക്കാര് വെളിപ്പെടുത്തി. ഹൈക്കോടതിയില് സമര്പ്പിച്ച സത്യവാങ്മൂലത്തിലാണ് കേന്ദ്രം ഇക്കാര്യം വ്യക്തമാക്കിയത്. കേരളം 2219.033 കോടി രൂപയുടെ സഹായമാണ് ആവശ്യപ്പെട്ടതെന്നും എസ്ഡിആര്എഫിലേക്ക് 153 കോടി രൂപ അനുവദിച്ചതായും കേന്ദ്രസര്ക്കാര് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ദുരന്തത്തിന് ശേഷം പണം അനുവദിക്കുന്നതില് ചട്ടപ്രകാരമുള്ള നടപടികള് ഇപ്പോഴും പുരോഗമിക്കുന്നുവെന്നാണ് കേന്ദ്രം കോടതിയില് പറഞ്ഞത്. കേന്ദ്രം സഹായം നല്കാതെ വയനാടിനെ വഞ്ചിച്ചുവെന്ന ആരോപണത്തിനിടെയാണ് സംസ്ഥാന സര്ക്കാരിന്റെ വാദത്തിന് വിരുദ്ധമായി കേന്ദ്രസര്ക്കാരിന്റെ വിശദീകരണം വന്നിരിക്കുന്നത്. മുഖ്യമന്ത്രി ഉള്പ്പെടെ കേന്ദ്രം പണം അനുവദിച്ചില്ലെന്ന് പറഞ്ഞിരുന്നു. വയനാട്ടിലെ ദുരന്തബാധിത പ്രദേശങ്ങളുടെ പുനര്നിര്മാണത്തിനാണ് ഈ തുക അനുവദിച്ചതെന്നും കേന്ദ്രസര്ക്കാര് സത്യവാങ്മൂലത്തില് വ്യക്തമാക്കി.

153 കോടി രൂപ കൂടാതെ വിമാനത്തില് ഭക്ഷണം എത്തിച്ചതിന് ചെലവാക്കിയ തുകയും എയര് ലിഫ്റ്റ് ചെയ്തതിന്റെ പണവും അനുവദിച്ചതായി കേന്ദ്രം വ്യക്തമാക്കി. ശുചീകരണ പ്രവര്ത്തനങ്ങള്ക്ക് ഉള്പ്പെടെ തുക വകയിരുത്തിയെന്നും ഇത് ഈ മാസം 16ന് ചേര്ന്ന യോഗത്തില് നല്കാന് തീരുമാനിച്ചതായും കേന്ദ്രസര്ക്കാര് കോടതിയില് പറഞ്ഞു.

പറവൂരിൽ സി.പി.ഐയിൽ കൂട്ടക്കൊഴിഞ്ഞുപോക്ക്; 100-ൽ അധികം പ്രവർത്തകർ സി.പി.ഐ.എമ്മിലേക്ക്

Story Highlights: Kerala government requested assistance from the central government only on the 13th of this month after the Wayanad disaster.

ക്ഷേമ പെൻഷൻ 2000 രൂപയാക്കും; പങ്കാളിത്ത പെൻഷനും പിൻവലിച്ചേക്കും