Catholic Church backs P Jayarajan's remarks on political Islam

കേരളത്തിലെ രാഷ്ട്രീയ രംഗത്ത് വലിയ ചർച്ചയായ സിപിഎം നേതാവ് പി ജയരാജന്റെ പൊളിറ്റിക്കൽ ഇസ്ലാം – ഭീകരവാദ റിക്രൂട്ട്മെന്റ് പരാമർശത്തെ പിന്തുണച്ച് കത്തോലിക്ക സഭ മുഖപത്രം ദീപിക രംഗത്തെത്തി. “പി ജയരാജൻ കണ്ട രാഷ്ട്രീയ ഇസ്ലാമിനെ സിപിഐഎം കാണാൻ ഇടയില്ല” എന്ന തലക്കെട്ടിലുള്ള മുഖപ്രസംഗത്തിൽ മുഖ്യധാരാ രാഷ്ട്രീയ പാർട്ടികളെ രൂക്ഷമായി വിമർശിക്കുകയും പോപുലർ ഫ്രണ്ട് നിരോധനമടക്കം കേന്ദ്ര സർക്കാർ നടപടികളെ പുകഴ്ത്തുകയും ചെയ്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇസ്ലാമിക തീവ്രവാദത്തിന് സിപിഎമ്മും കോൺഗ്രസും ഒരുപോലെ വളംവച്ചുകൊടുക്കുകയാണെന്ന് ദീപിക ആരോപിക്കുന്നു. ഇസ്ലാമോഫോബിയ എന്ന വാക്ക് പൂർണമായും തള്ളിക്കളയാനാവില്ലെങ്കിലും അതിലൂടെ വളർന്നുപന്തലിച്ചത് പൊളിറ്റിക്കൽ ഇസ്ലാം ആണെന്നും, തീവ്രവാദത്തോട് മതേതര പാർട്ടികൾ കണ്ണടച്ച് ഇരുട്ടാക്കിയെന്നും മുഖപ്രസംഗം കുറ്റപ്പെടുത്തുന്നു.

ഇസ്ലാമിക തീവ്രവാദത്തിനെതിരെ കോൺഗ്രസും ഇടതു പാർട്ടികളും നിലപാടുകൾ നവീകരിക്കാത്തത് ഇന്ത്യൻ രാഷ്ട്രീയത്തിൽ വർഗീയതയ്ക്ക് വളരാൻ സഹായമായെന്നും ചൂണ്ടിക്കാട്ടുന്നു. പ്രത്യേക അവകാശങ്ങളും ആനുകൂല്യങ്ങളും കൊടുത്തല്ല ഭീകരപ്രസ്ഥാനങ്ങളെ നേരിടേണ്ടതെന്ന ബിജെപി നിലപാടിന് സ്വീകാര്യത വർധിക്കുകയാണെന്ന് കത്തോലിക്ക സഭ മുഖപ്രസംഗം ചൂണ്ടിക്കാട്ടുന്നു.

മാസപ്പടി കേസ്: ഹൈക്കോടതി വിധി പ്രതിപക്ഷത്തിന് തിരിച്ചടി - എം.ബി. രാജേഷ്

ഇസ്ലാമിനെ മാത്രം അടിസ്ഥാനമാക്കിയുള്ള ഒരു രാഷ്ട്രീയ വ്യവസ്ഥയെക്കുറിച്ചാണ് ജമാ അത്തെ ഇസ്ലാമിയും പോപ്പുലർ ഫ്രണ്ടും ആഗോള ഭീകര സംഘടനകളും പറയുന്നതെന്നും, ഇക്കാര്യം കോൺഗ്രസിനും സിപിഎമ്മിനും എന്നാണ് മനസിലാകുകയെന്നും ദീപിക ചോദിക്കുന്നു. കേരളത്തിലെ മാധ്യമങ്ങൾ പക്ഷപാതപരമായാണ് രാഷ്ട്രീയ റിപ്പോർട്ടിംഗും വിശകലനങ്ങളും നിരീക്ഷണങ്ങളും നടത്തുന്നതെന്നും മുഖപ്രസംഗം കുറ്റപ്പെടുത്തുന്നു.

Story Highlights: Catholic Church newspaper Deepika supports CPM leader P Jayarajan’s remarks on political Islam and terror recruitment, criticizing mainstream parties and praising central government actions.

സിപിഐഎം പാർട്ടി കോൺഗ്രസ്: പലസ്തീൻ ജനതയ്ക്ക് ഐക്യദാർഢ്യം