പാണക്കാട് സാദിഖ് അലി ശിഹാബ് തങ്ങളെ ലക്ഷ്യം വച്ചല്ല തന്റെ പ്രസംഗമെന്ന് അബ്ദുൾ ഹമീദ് ഫൈസി അമ്പലക്കടവ് വ്യക്തമാക്കി. താൻ പറയാത്ത കാര്യങ്ങൾ ചിലർ മനഃപൂർവ്വം പ്രചരിപ്പിക്കുകയാണെന്നും അദ്ദേഹം ആരോപിച്ചു. സമസ്തയിൽ പ്രശ്നങ്ങൾ ഉണ്ടാക്കുന്നത് ജമാഅത്തെ ഇസ്ലാമിയാണെന്നും അദ്ദേഹം ട്വന്റിഫോറിനോട് പറഞ്ഞു. സാദിഖ് അലി ശിഹാബ് തങ്ങൾ ക്രൈസ്തവ സഭകളുടെ ആസ്ഥാനത്ത് പോകുന്നതും അവർ പാണക്കാട് വരുന്നതും സൗഹൃദത്തിന്റെ ഭാഗമാണെന്ന് ഹമീദ് ഫൈസി അമ്പലക്കടവ് വിശദീകരിച്ചു.
തങ്ങൾക്കെതിരെ ഒരു പരാമർശവും നടത്തിയിട്ടില്ലെന്നും ചിന്തിച്ചിട്ടുപോലുമില്ലെന്നും അദ്ദേഹം കൂട്ടിച്ചേർത്തു. ജമാഅത്തെ ഇസ്ലാമി മുസ്ലിം സംഘടനകളിൽ ഭിന്നത ഉണ്ടാക്കുന്നുവെന്നും അദ്ദേഹം ആരോപിച്ചു. ഇക്കഴിഞ്ഞ ദിവസം തന്റെ ഒരു സുഹൃത്തിന്റെ പ്രഭാഷണം ശ്രദ്ധയിൽപ്പെട്ടെന്നും അതിൽ നിന്നുമാണ് താൻ പ്രസംഗിക്കാൻ പ്രേരിതനായതെന്നും ഹമീദ് ഫൈസി പറഞ്ഞു. വിശ്വാസമില്ലാതെ അന്യമതസ്ഥരുടെ ആചാരങ്ങൾ സ്വീകരിച്ചാൽ കുഴപ്പമില്ലെന്ന പരാമർശം ആ പ്രഭാഷണത്തിലുണ്ടായിരുന്നു.
വിശ്വാസത്തോടെ ചെയ്താൽ ഒരാൾ ഇസ്ലാമിൽ നിന്ന് പുറത്തുപോകുമെന്നും അദ്ദേഹം ചൂണ്ടിക്കാട്ടി. വിശ്വാസമില്ലാതെ ചെയ്യുന്നതിനും പരിമിതികളുണ്ടെന്നും വിലക്കപ്പെട്ട കാര്യങ്ങളുണ്ടെന്നും താൻ പൊതുവായി പ്രസംഗിച്ചുവെന്ന് ഹമീദ് ഫൈസി പറഞ്ഞു. ഇതൊരു വർഗീയതയുടെ ഭാഗമാകരുതെന്ന് വിചാരിച്ചാണ് ഇസ്ലാം ഇതര മതസ്ഥരോട് കാണിക്കേണ്ട സമീപനം ആമുഖമായി പറഞ്ഞതെന്നും അദ്ദേഹം കൂട്ടിച്ചേർത്തു. ജമാഅത്തെ ഇസ്ലാമിക്ക് ജനപിന്തുണയില്ലെന്നും സമസ്തയിൽ ഭിന്നിപ്പുണ്ടാക്കി ജനപിന്തുണ നേടാനാണ് അവരുടെ ശ്രമമെന്നും ഹമീദ് ഫൈസി അമ്പലക്കടവ് ആരോപിച്ചു.
ഇതര മതസ്ഥരോട് സ്നേഹവും സൗഹൃദവും പുലർത്തുന്ന രീതി തന്നെയാണ് ഇസ്ലാമിന്റെയും നിലപാടെന്നും അദ്ദേഹം വ്യക്തമാക്കി. എന്നാൽ, പ്രത്യേക മതത്തിന്റെ ആചാരങ്ങൾ മുസ്ലീങ്ങൾക്ക് ചെയ്യുന്നതിൽ പരിമിതിയുണ്ടെന്നും അദ്ദേഹം പ്രസംഗത്തിൽ ചൂണ്ടിക്കാട്ടി. വാഫി വിഷയം ഉയർത്തിക്കാട്ടി ജമാഅത്തെ ഇസ്ലാമി സമസ്തയിൽ ഭിന്നത സൃഷ്ടിച്ചുവെന്നും അദ്ദേഹം ആരോപിച്ചു. സമസ്തയ്ക്കെതിരെ പ്രതികരണങ്ങൾ ഉയർത്തിക്കാട്ടി ജമാഅത്തെ ഇസ്ലാമി പ്രചാരണം നടത്തുന്നുണ്ടെന്നും ഹമീദ് ഫൈസി ആരോപിച്ചു.
Story Highlights: Abdul Hamid Faizi Ambalakadav clarifies his speech wasn’t aimed at Panakkad Sadiq Ali Shihab Thangal amidst cake controversy.
തൃശൂർ മേയർക്ക് ബിജെപി നേതാവ് കേക്ക് നൽകിയതുമായി ബന്ധപ്പെട്ട വിവാദം അവസാനിപ്പിക്കണമെന്ന് സിപിഐ Read more
