Bumrah Out of Champions Trophy, Rana Replaces Him

ഐസിസി ചാമ്പ്യൻസ് ട്രോഫിക്ക് ഇനി ദിവസങ്ങൾ മാത്രം ബാക്കിനിൽക്കെ, ഇന്ത്യൻ ടീമിന് കനത്ത തിരിച്ചടിയാണ് നേരിടേണ്ടി വന്നിരിക്കുന്നത്. പേസർ ജസ്പ്രീത് ബുംറയ്ക്ക് ടൂർണമെന്റിൽ പങ്കെടുക്കാൻ കഴിയില്ലെന്ന് ബിസിസിഐ സ്ഥിരീകരിച്ചു. ഫെബ്രുവരി 12നാണ് ബിസിസിഐ ഈ പ്രഖ്യാപനം നടത്തിയത്. ഓസ്ട്രേലിയയ്ക്കെതിരായ ടെസ്റ്റ് മത്സരത്തിനിടെ പരിക്കേറ്റ ബുംറയ്ക്ക് പൂർണ ആരോഗ്യം വീണ്ടെടുക്കാൻ സാധിച്ചിട്ടില്ല. ബുംറയുടെ അഭാവത്തിൽ ഹർഷിത് റാണയെ ടീമിലെടുത്തത് വലിയ വിമർശനങ്ങൾക്ക് വഴിവച്ചിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രാജ്യാന്തര ക്രിക്കറ്റിൽ പരിചയസമ്പത്തുള്ള സിറാജിനെ പരിഗണിക്കാതെ ഹർഷിത്തിനെ ടീമിലെടുത്തതിനെതിരെയാണ് ആരാധകരുടെ പ്രധാന വിമർശനം. ഐപിഎല്ലിൽ ഗൗതം ഗംഭീറിനൊപ്പം കളിച്ച പരിചയമാണ് ഹർഷിത്തിന് ഗുണമായതെന്നാണ് ആരാധകരുടെ ആരോപണം. ടെസ്റ്റ്, ഏകദിനം, ടി20 എന്നീ മൂന്ന് ഫോർമാറ്റുകളിലും അരങ്ങേറ്റ മത്സരത്തിൽ മൂന്ന് വിക്കറ്റുകൾ വീഴ്ത്തിയ താരമാണ് ഹർഷിത് റാണ. ഇന്ത്യയുടെ ആദ്യ മത്സരം ബംഗ്ലാദേശിനെതിരെയാണ്. ഫെബ്രുവരി 19ന് പാകിസ്ഥാനും ന്യൂസിലൻഡും തമ്മിലാണ് ആദ്യ മത്സരം.

പാകിസ്ഥാനാണ് ടൂർണമെന്റിന് ആതിഥേയത്വം വഹിക്കുന്നതെങ്കിലും ഇന്ത്യയുടെ മത്സരങ്ങൾ എല്ലാം ദുബായിലാണ് നടക്കുക. യശസ്വി ജയ്സ്വാളിനെ ഒഴിവാക്കി വരുൺ ചക്രവർത്തിയെ ടീമിലെടുത്തിട്ടുണ്ട്. ഇംഗ്ലണ്ടിനെതിരായ ടി20 പരമ്പരയിലെ മികച്ച പ്രകടനമാണ് ചക്രവർത്തിക്ക് ടീമിലേക്കുള്ള വഴി തുറന്നത്. ഓസ്ട്രേലിയയ്ക്കും ചാമ്പ്യൻസ് ട്രോഫിക്ക് മുന്നോടിയായി തിരിച്ചടികൾ നേരിടേണ്ടി വന്നിട്ടുണ്ട്. മിച്ചൽ സ്റ്റാർക്ക് വ്യക്തിപരമായ കാരണങ്ങളാൽ ടീമിൽ നിന്ന് പിന്മാറി.

തൃശ്ശൂരിൽ ഫാർമസിസ്റ്റ് ഗ്രേഡ് II അഭിമുഖം: ഏപ്രിൽ 23 മുതൽ

പാറ്റ് കമ്മിൻസ്, ജോഷ് ഹേസൽവുഡ്, മിച്ചൽ മാർഷ്, മാർകസ് സ്റ്റോയിനിസ് എന്നിവർ നേരത്തെ തന്നെ ടീമിൽ നിന്ന് പുറത്തായിരുന്നു. സ്റ്റാർക്കിന്റെ പിന്മാറ്റം ഓസ്ട്രേലിയയ്ക്ക് വലിയ തിരിച്ചടിയാണെങ്കിലും താരത്തിന്റെ തീരുമാനത്തെ ക്രിക്കറ്റ് ഓസ്ട്രേലിയ പിന്തുണയ്ക്കുന്നു. സ്റ്റീവ് സ്മിത്താണ് ഓസ്ട്രേലിയൻ ടീമിന്റെ ക്യാപ്റ്റൻ. സ്റ്റാർക്കിന് പകരമായി സ്പെൻസർ ജോൺസൺ, ബെൻ ഡ്വാർഷ്യസ്, നഥാൻ എല്ലിസ്, ഷോൺ അബോട്ട് എന്നിവരെ ടീമിലെടുത്തിട്ടുണ്ട്. ഏകദിന ക്രിക്കറ്റിൽ നിന്ന് വിരമിച്ച മാർക്കസ് സ്റ്റോയിനിസിന് പകരം ആരോൺ ഹാർഡിയെയും ടീമിലുണ്ട്.

പിന്മാറിയവർ എല്ലാം പേസർമാരാണ് എന്നത് ശ്രദ്ധേയമാണ്. ചാമ്പ്യൻസ് ട്രോഫിയിൽ ആരാണ് വിജയികളാകുക എന്നറിയാൻ ആകാംക്ഷയോടെ കാത്തിരിക്കുകയാണ് ക്രിക്കറ്റ് പ്രേമികൾ.