Budget 2024: Mobile phones, chargers to get cheaper in India

രാജ്യത്ത് മൊബൈൽ ഫോൺ, ചാർജർ എന്നിവയുടെ വില കുറയുമെന്ന് ധനമന്ത്രി നിർമല സീതാരാമൻ പ്രഖ്യാപിച്ചു. തദ്ദേശ ഉത്പാദനം വർധിപ്പിക്കുന്നതിനായി പുതിയ കസ്റ്റംസ് നയം നടപ്പിലാക്കുമെന്നും അവർ അറിയിച്ചു. മൊബൈൽ ഫോൺ, ചാർജർ എന്നിവയുടെ കസ്റ്റംസ് ഡ്യൂട്ടി 15 ശതമാനമായി കുറയ്ക്കുമെന്ന് ബജറ്റിൽ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രാജ്യത്ത് മൊബൈൽ ഉത്പാദനം വർധിച്ചതിനാൽ ഉപഭോക്താക്കളുടെ ആവശ്യങ്ങൾക്ക് മുൻഗണന നൽകുമെന്നും മന്ത്രി പറഞ്ഞു. അർബുദത്തിനുള്ള മൂന്ന് മരുന്നുകളുടെ കസ്റ്റംസ് ഡ്യൂട്ടി ഒഴിവാക്കുമെന്നും ഇത് ക്യാൻസർ മരുന്നുകളുടെ വില കുറയാൻ കാരണമാകുമെന്നും ധനമന്ത്രി വ്യക്തമാക്കി. കൂടാതെ, 20 ധാതുക്കൾക്കും കസ്റ്റംസ് ഡ്യൂട്ടി കുറച്ചിട്ടുണ്ട്.

സ്വർണം, വെള്ളി, പ്ലാറ്റിനം എന്നിവയുടെ തീരുവയും കുറച്ചു. സ്വർണത്തിന് 6 ശതമാനമായും പ്ലാറ്റിനത്തിന് 6. 4 ശതമാനമായും കുറച്ചു.

വസ്ത്രങ്ങൾക്കും തുകൽ ഉത്പന്നങ്ങൾക്കും വില കുറയും എന്ന് പ്രതീക്ഷിക്കുന്നു. ഇവയുടെ കസ്റ്റംസ് തീരുവ വെട്ടിക്കുറച്ചതാണ് ഇതിന് കാരണം. എന്നാൽ പ്ലാസ്റ്റിക് ഉത്പന്നങ്ങളുടെ വില കൂടാൻ സാധ്യതയുണ്ട്, കാരണം ഇവയുടെ കസ്റ്റംസ് ഡ്യൂട്ടി വർധിപ്പിച്ചിട്ടുണ്ട്.

യുപിഐ ഉപയോക്താക്കൾക്ക് സുപ്രധാന മാർഗനിർദേശങ്ങൾ പുറത്തിറക്കി എൻപിസിഐ

ഈ നടപടികൾ വഴി വിവിധ മേഖലകളിൽ വില വ്യതിയാനം ഉണ്ടാകുമെന്ന് പ്രതീക്ഷിക്കുന്നു.

നോക്കുകൂലി പരാമർശം: നിർമല സീതാരാമനെതിരെ എ.കെ. ബാലൻ