Budget 2024: Middle class awaits income tax relief announcements

നാളെ ധനമന്ത്രി നിർമല സീതാരാമൻ മൂന്നാം മോദി സർക്കാരിന്റെ ആദ്യ സമ്പൂർണ ബജറ്റ് അവതരിപ്പിക്കാനിരിക്കെ, രാജ്യത്തെ മധ്യവർഗം ആദായ നികുതി ഇളവിനായി പ്രതീക്ഷയോടെ കാത്തിരിക്കുകയാണ്. വികസിത ഭാരതം 2047 എന്ന കാഴ്ചപ്പാടിനൊപ്പം മുന്നോട്ട് പോകുന്ന കേന്ദ്രസർക്കാർ ആദായ നികുതിയിൽ എന്തെല്ലാം മാറ്റങ്ങൾ വരുത്തുമെന്നാണ് ജനങ്ങൾ ഉറ്റുനോക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നിലവിലെ മൂന്ന് ലക്ഷം രൂപയിൽ നിന്ന് ആദായ നികുതി പരിധി അഞ്ച് ലക്ഷമായി ഉയർത്തുമെന്നതാണ് പ്രധാന പ്രതീക്ഷ. ഇത് നികുതിദായകർക്ക് വലിയ ആശ്വാസമാകും.

പുതിയ നികുതി സമ്പ്രദായത്തിൽ ഈ മാറ്റം വരുമെന്നും, അതുവഴി കൂടുതൽ നികുതിദായകർ പുതിയ സമ്പ്രദായത്തിലേക്ക് മാറുമെന്നും കരുതപ്പെടുന്നു. നികുതി ഘടനയിലെ പരിഷ്കരണവും പ്രതീക്ഷിക്കപ്പെടുന്നു.

നിലവിൽ 12-15 ലക്ഷം രൂപ വാർഷിക വരുമാനമുള്ളവർ പുതിയ സമ്പ്രദായത്തിൽ 20% നികുതി അടയ്ക്കേണ്ടതുണ്ട്. ഇതിൽ കുറവ് വരുത്തുമോയെന്നും, 15 ലക്ഷത്തിന് മുകളിൽ വരുമാനമുള്ളവരുടെ 30% നികുതി നിരക്കിലും മാറ്റം വരുമോയെന്നും ജനങ്ങൾ പ്രതീക്ഷിക്കുന്നു.

ലഹരിയും അക്രമവും തടയാൻ കർമ്മ പദ്ധതി; മുഖ്യമന്ത്രി വിളിച്ച യോഗം ഇന്ന്

സ്റ്റാൻഡേർഡ് ഡിഡക്ഷൻ 50,000 രൂപയിൽ നിന്ന് ഒരു ലക്ഷം രൂപയായി ഉയർത്തണമെന്ന ആവശ്യവും ഉയർന്നിട്ടുണ്ട്. ഈ പ്രഖ്യാപനങ്ങൾക്കായി മധ്യവർഗം പ്രതീക്ഷയോടെ കാത്തിരിക്കുകയാണ്.

നോക്കുകൂലി പരാമർശം: നിർമല സീതാരാമനെതിരെ എ.കെ. ബാലൻ